Wollo Ethiopian Heritage Society:  Local History Series

(https://wollo.org)

A Brief History of Woizero Siheen School

(Dessie, Wollo, 1930-2017)

 

  • 1930 established as an elementary school in Salayish.
  • 1946 moved to current campus near Medihane Alem Sefer.
  • 1957 became a secondary school.
  • 1961 became the first comprehensive vocational high school in Ethiopia.
  • 2007 became a business college.
  • 2010 became a polytechnic college.

================

የወይዘሮ ስኂን ት/ቤት አጭር ታሪክ

1922-2009 ዓ.ም.

 

·      በ1922 ዓ.ም. በንጉስ ሚካኤል ልጅ ስህን ሚካኤል ሳላይሽ አካባቢ ተቋቋመ።

·      በ1939 ዓ.ም. የተማሪ ቁጥር በመጨመሩ ምክንያት ቁጥራቸው በርከት ያሉ መማሪያ ክፍሎችን የያዘ አዲስ ሕንፃ ተገንብቶ አሁን ወዳለበት ቦታ ተዛወረ፡፡ በዚህ ወቅት ከ1ኛ - 8ኛ ክፍል ተማሪዎችን ተቀብሎ ያስተምር ነበር። እዚህ ቦታ ላይ ትምህርት ቤቱ አንዲሰራ የመሰረት ድንጋይ የጣሉት የስኂን ሚካኤል የልጅ ልጅ አልጋወራሽ መርድ አዝማች አስፋወሰን ኃይለስላሴ ናቸው።

·       በ1950 ዓ.ም. ወደ ሁለተኛ ደረጃ ት/ቤት ከፍ አለ።

·      በ1953 ዓ.ም. የመጀመሪያዎቹ የ12ኛ ክፍል ትምህርታቸውን ያጠናቀቁ ተማሪዎች ለሁለተኛ ደረጃ መልቀቂያ ፈተና(ለሎንዶን ጂ.ሲ.ኤ. ፈተና) እንዲቀመጡ ተደረገ። 

·      በ1953 ዓ.ም. እቴጌ መነን /የስኂን ሚካኤል ልጅ/ ለተለያዩ የሙያ ሥልጠናዎች የሚያገለግል ሕንፃ ቮኬሽናል ግቢ አስገነቡ። በዚህ ወቅት በቀለም ትምህርት ዘርፍ ብቻ ተማሪዎችን ማስተማር በቂ ሆኖ ባለመገኘቱ ከቀለም ትምህርት ጐን ለጐን በመምህርነት ሙያ፣ በእርሻና ተግባረዕድ የሙያ ዘርፎች ስልጠና መሰጠት ተጀመረ፡፡ ይህ ሁኔታ ትምህርት ቤቱን በሀገሪቱ የመጀመሪያው አጠቃላይ 2ኛ ደረጃ ትምህርት ቤት እንዲሆን አድርጐታል።

·      1956 ዓ.ም. የስህን ት/ቤት የሙዚቃ ባንድ ተቋቋመ። ባንዱ ሲቋቋም 40 ተማሪዎች የነበሩ ሲሆን መምህሩም ሚ/ር ሮናልድ ቤል የተባለ አሜሪካዊ ነበር።

·      በ1956 ዓ.ም. የ1ዐኛ ክፍልን ትምህርታቸውን ያጠናቀቁ ተማሪዎች የ2 ዓመት የሙያ ሥልጠና በተለያዩ መስኮች በመውሰድ ዲኘሎማ ማግኘት ጀመሩ፡፡ ይህ ሁኔታ እስከ 1976 ዓ.ም. ቀጠለ።

·      በ1970 ዓ.ም. የት/ቤቱ ስም የካቲት 66 አጠቃላይ 2ኛ ደረጃ ት/ቤት፤ ከዚያም የካቲት 66 የቀለም ቴክኒክና ሙያ ት/ቤት በሚል ተቀይሮ፣ ከዚያም የካቲት 66 የቀለም፣ቴክኒክና ሙያ ትምህርት ቤት ተባለ።

·      በ1984 ዓ.ም. የት/ቤቱ ስም ወ/ሮ ስኂን የቀለም ቴክኒክና ሙያ ት/ቤት ተብሎ ተሰየመ።

·      በ1992 ዓ.ም. ሲሰጡ ከነበሩት የሙያ ዘርፎች በተጨማሪ የኮንትራክሽን የሥልጠና ዘርፍ ተከፈተ።

·      በ1993 ዓ.ም. ሙሉ በሙሉ የቴክኒክና ሙያ ተቋም ሆነ።

·      በ1994 ዓ.ም. የት/ቤቱ ስም ወ/ሮ ስኂን ቴክ/ሙያ ተቋም በሚል እንዲጠራ ተደርጐ በተለያዩ የሥልጠና ዘርፎች በመደበኛና በማታ መርሃ ግብሮች ሥልጠናዎች በመስጠት በሰርቲፍኬት ደረጃ ማስመረቅ ጀመረ።

·      በ2ዐዐዐ ዓ.ም. ተቋሙ ከደሴ ቢዝነስና ሥራ አመራር ኮሌጅ ጋር ተዋህዶ ስሙም ወ/ሮ ስኂን ቴክኒክና ሙያ ትምህርትና ሥልጠና ኮሌጅ በሚል ተቀየረ።

·      በ2ዐዐ3 ዓ.ም. ኮሌጁ ወደ ወ/ሮ ስኂን ፓሊቴክኒክ ኮሌጅ አደገ።

ስልጠና የሚሰጥባቸው ግቢዎች፡-
1. ስኂን ካምፓስ (ዋናው ግቢ)፡ ኤሌክትሪክሲቲ/ኤሌክትሮኒክስ፣ ሆቴልና ቱሪዝም እና የጨርቃጨርቃ እና አልባሳት ሙያ ማሰልጠኛ፥
2. ቮኬሽናል ካምፓስ (መነን ህንጻ)፡ የሜታል ማኑፋክቸሪንግ ዘርፍ ማሰልጠኛ ፥
3. ሆጤ ካምፓስ፡ የኮንስትራክሽን ዘርፍ ማሰልጠኛና የማምረቻ ዩኒትን የያዘ፥
4. መርሆ ካምፓስ (የቀድሞ የአልጋወራሽ ቤተ-መንግስት የነበረና በኋላም ቢዝነስ ኮሌጅ የተመሰረተበት)፡ የICT እና ኪነጥበብ፤ እንዲሁም የጤና ኤክስቴንሽን ማሰልጠኛና
5. ዳውዶ ካምፓስ የአውቶ ሜካኒክ ማሰልጠኛ ናቸው።

------------------------

Source for most of the above:  W/ro Siheen Polytechnic College [ወ/ሮ ስኂን ፖሊቴክኒክ ኮሌጅ].