What is NEW...

=====================

Press ReleaseS &

Educational Documents:-

=====

ሕዝባዊና ትምህርታዊ  መግለጫዎች፦

  • ስለ ሰላማዊ የትግል ስልቶች ትምህርታዊ ጽሁፎችን ለማንበብ  "PROJECTS" ገጽ ሄደው ይመልከቱ።

  • መግለጫዎቻችንን ሙሉ በሙሉ ለማንበብ "EVENTS" ገጽ ሄደው ይመልከቱ።

======================

28 September 2019

መልካም አዲስ አመት፤ እንኳን ለብርሃነ መስቀልም አደረሳችሁ!!

  • ዘርፎ በሎችና አጋፋሪዎቻቸው ለጣኦት አምላኪያን ፈቅደው የቤተክርስቲያኗን ጥንታዊ መገለጫ ሰንደቃችን ማውለብለብ ሲከለክሉ ባደባባይ ላውለበለባችኋት ወሎየዎች ሁሉ አድናቆታችን ከፍ ያለ ነው፤

  • 2012 አግላዮችን ለማንገስ የሳጥን ምርጫ ሳይሆን አምባገነኖችን ከምድሪቷ ለማውደም የህዝብ ማእበልን ለመተግበር ቆራጥንትን ማሳያ አመት ነው፡፡

=============================

August 18, 2019

ከወሎ የኢትዮጵያ ውርስና ቅርስ ማህበር ስለወሎ ህዝብ ማንነት የተሰጠ መግለጫ:-

ማንነቱን የማያውቅ የሌላውን ማንነት ሊያውቅ አይችልም፤የወሎ ማንነት ኢትዮጵያዊነት ነው!

ነሃሴ 13 ቀን 2011 ዓም

ወሎ የኢትዮጵያ ውርስና ቅርስ ማህበር ከተመሠረተበት እለት አንስቶ ስለወሎ ክፍለሃገር ታሪክ፣ መልክአምድራዊ አቀማመጥ፣የተፈጥሮ ችሮታ(ሃብት)፣በኤኮኖሚያዊ ዘርፍና ማህበራዊ እንቅስቃሴ እንዲሁም የሕዝቡን በኢትዮጵያዊነት ላይ ያረፈ ፣ የተለያዩ ጎሳዎችን አቅፎ በተውጣጣ ባህልና እምነት የዳበረ ማንነት ባለቤት መሆኑን ለመተንተን ሞክሯል።

ይህንን የአንድነት ምሳሌና ናሙና የሆነ የሚያኮራ ክፍለሃገር ከሃያ ስምንት ዓመት ወዲህ የተፈጠሩ ቡድኖች ሌላ መልክና ስም እዬሰጡ፣ለዘመናት በቤተሰብነት ደረጃ ተዋልዶና ተዛምዶ የኖረውን ሕዝብ ጭራሽ በማያምንበት የሴራ ገመድ እዬተበተቡ እርስ በርሱ እንዲጋጭና ኢትዮጵያን ከማፈራረስ ዓላማ በመነሳት ለኢትዮጵያ ዋልታና ማገር የሆነውን በተለይም የአማራውን ህብረተሰብ ነጥሎ በማጥቃት፣መሬቱን በመንጠቅና በማፈናቀል የክተት አዋጅ ከታወጀ ዓመታት አልፈዋል።ሕዝቡ በመቻቻልና በትዕግስት ማለፉ እንደፍርሃት ተቆጥሮ የጥቃቱ መጠን እዬጨመረ መጥቷል።

በዘመነ ወያኔ የሰፈነው የጎሰኞች ስርዓት ተዋንያን በመቀያዬር እዬተቀባበለ ጸረ አትዮጵያዊነቱን ይፋ በማድረግ የክተት አዋጅ ካወጀባቸው ክፍላተ ሃገር አንዱ ወሎ ክፍለሃገር ነው።የዚህን ክፍለሃገር አዋሳኝ ከባቢዎች በመዋጥ ይዞታቸውን ለማስፋት በሰሜን በኩል የትግራይ ነጻ አውጭ ግንባር፣ በመሃልና በምስራቃዊ ደቡብ በኩል የኦሮሞ ነጻ አውጭ ግንባር (ኦነግ)ሃይላቸውን አሰማርተው ጥቃት በማድረስ ላይ ናቸው።

ለሚያደርሱት ጥቃት የሚሰጡት ምክንያትና መነሻ በክፍላተ ሃገር ውስጥ የሚገኙ ጥቂት የትግርኛና የኦሮምኛ ቋንቋ ተናጋሪ የሆኑትን የክፍላተሃገር ኑዋሪዎችን እንወክላለን፣ተገደው የተያዙ ዜጎቻችንና ቦታውም የእኛ ይዞታ የነበረ ነው በማለት ነው።በወሎና በሌላውም ክፍላተ ሃገር ውስጥ ግን የዚህና የዚያ ጎሳ መሬት ተብሎ ተሸንሽኖ የተቀመጠበት ታሪክ የለም።ሁሉም በአንድ አገር ዜግነት፣ በኢትዮጵያዊነት እውቅና ኖሮት የሚኖርባቸው ክፍላተሃገር ነበሩ፣ናቸውም።

የሌሎቹን ክፍላተሃገር የሕዝብ ስብጥርነት እውቅና ሰጥተን በተለይ ግን አሁን የይገባናል ጩኸትና የጥቃት እርምጃ የሚታይበት የወሎ ክፍለሃገር ስለሆነና እኛም በዚህ ክፍለሃገር ስም ተደራጅተን የምንንቀሳቀስ ስለሆነ የከፍለሃገሩን ታሪካዊ ይዘትና መልክ ለማሳዬት ብሎም ለማስከበር፣አስፈላጊም ከሆነ በታታኝና አፍራሽ ሃይሎች በመጡበት መንገድ ለመመለስ የምንገደድበት ወቅት ላይ መሆናችንን ለመግለጽ እንወዳለን።

ወሎ እንደተቀሩት የኢትዮጵያ ክፍላተ ሃገር ብዙ ጎሳዎች ተስማምተውና ተቀላቅለው የሚኖሩበት ለመሆኑ የታሪክን ገጽ ላገላበጠ ሰው እንግዳ ሊሆን አይችልም።እንኳንስ ኢትዮጵያዊ ቀርቶ የውጭ ወራሪዎች ሳይቀሩ የሚመሰክሩት ሃቅ ነው።

ገጣሚ ስለወሎ ከገጠመው መሃል እነዚህን ቦጭቀን እናቀርባለን።

ከቶ አይሰለችም ስሙ ቢደጋገም

ወሎ ያገር ዋልታ ወሎ ያገር ቅመም።

ያይማኖት ንትርክ፣ የዘር አምባጓሮ ወሎ መች ለመደ፣

ስሙ ምስክር ነው ፋጤ ገ/ማርያም፣ሰለሞን እንድሪስ ፣አሰገደች አሊ ሙሃመድ ከበደ

የሆነውን ሆኖ ፣ ያመነውን አምኖ

የሸጠውን ሸጦ ፣የገዛውን ገዝቶ

አቅሙ እንደፈቀደ አምርቶና ሰርቶ

ህዝብ የሚኖርበት ተግባብቶ ተስማምቶ

ዘር ሃይማኖት አይልም ወሎና መርካቶ።

ዘር ሳይመለከት ከሁሉም ተጋብቶ

የህብረብሔር ድር ቤተሰብ መሥርቶ

ወሎዬ ይኖራል ከሁሉም ተስማምቶ።

በኢትዮጵያዊነቱ፣ ሁሉንም አክብሮ፣ሁሉንም አፍቅሮ፣

ወሎዬ ይኖራል ከሁሉም ተባብሮ፣

የናት ኢትዮጵያን ድንበር አስከብሮ።

ክራር ቢደረደር፣ዋሽንት ቢነፋ ፣ ማሲንቆ ቢመታ፣

አንቺ ሆዬ ለእኔ ፣ አረ ባቲ ባቲ፣አምባሰል፣ ትዝታ፣

የቀኝቱ ጳጳስ የኪነቱ ጌታ ፣

ወሎ ባህሉ ነው እንግዳ መቀበል ቁም ነገር ጨዋታ።

የዘመዶቹ እምነት ክርስትናና እስላም፣

በፍቅር ኖረዋል ባንድነት በሰላም።

መስጊድና ደብር ባንድ ሰፈር ሲኖሩ፣

ፋሲካና አረፋ ባንድ ላይ ሲያከብሩ፣

የምነት አክራሪዎች ከወሎ ይማሩ።

በወሎ መሬት ላይ በሰላሙ ቦታ፣

ተቀባይ የለውም የምነትና የዘር አክራሪ በሽታ።

በወለጋ አሩሲ በከፋ ሲዳሞ፣

በሸዋ ፣በትግራይ፣በሓረር በባሌ፣

ወሎ ክፍለሃገር ይቅረብ በምሳሌ።

እራያና አዘቦ ቆቦና ሰቆጣ

ግንባሩን አያጥፍም የመጣው ቢመጣ፣

መሞቱን ይመርጣል በዘር ተሸንሽኖ ኢትዮጵያን ከሚያጣ።

በኢትዮጵያዊነቱ ዝምድናው ቢነሳ፣

ቅድም አያቱ ጎይቶም አጎቱ ዲሳሳ

የጋርዮሽ አገር የክርስቲያን የእስላም፣

ክፉ ነገር እንጂ፣ዘረኝነት እንጂ ወሎ ሰው አይጠላም።

የዚህን ግጥም ሙሉ ይዘት በወሎ የኢትዮጵያ ውርስና ቅርስ ድረገጽ ላይ ያገኙታል

በቀድሞ ጊዜ በነበሩት ስርዓቶችና የአስተዳደር አወቃቀር ወሎ 12 አውራጃዎች ነበሩት።እነሱም ዋድላና ደላንታ፣አንባሰል፣የጁ፣ላስታ፣አውሳ ፣ራያና ቆቦ፣ደሴዙሪያ፣ወረይሉ፣ወረሂመኖ፣ቃሉ፣ባረናና ዋግ ነበሩ።ከእነዚህ አውራጃዎች አንዳንዶቹ ከግራኝ አህመድ ጥቃት ጋር ተያይዞ በመጣው የኦሮሞ ጎሳ ወረራና መስፋፋት የተነሳ የቀድሞ ስማቸው እየተለወጠ ቢጠሩም ማህበረሰብአዊ ግንኙነቱና የሕዝቡ ማንነት፣ቋንቋና ባሕሉ ሳይበረዝ፣ለደረሰበት ጉዳት ካሳ ሳይጠይቅ በይቅርታ ከመጤው ጋር ባህል እየተወራረሰ አዳብሮ የዘለቀ ሕዝብ ነው።ሌላው ቀርቶ ላኮመልዛ ወይም የአማራው ማህበረሰብ ይዞታ በመሆኑ ቤተአማራ የሚለው የክፍለሃገሩ ስም ተቀይሮ ወሎ ለመባል የበቃው ከዚሁ የኦሮሞ ጎሳ መስፋፋት በዃላ ነው።የወሎ ሕዝብ ግን የመጣውን ማሰተናገድና እንደ እራሱ ቆጥሮ መቀበል ከተፈጥሮ ያገኘው ሰብአዊ ባህሪው ስለሆነ በክፋት አላዬውም ነበር።ነባሩ ሕዝብ በወራሪው የኦሮሞ ጎሳ ግፊትና አስገዳጅነት ብሎም በመዋለድና አብሮ በመኖር የኦሮሞ ቋንቋ እንዲናገር መብቃቱ ነባሩን ሕዝብ የኦሮሞ ጎሳ ነው ብሎ ለማለት አያስደፍርም።የአውሮፓ ወራሪ ሃይሎች የሌላውን አገር ወረው ሕዝቡ ቋንቋቸውን እንዲናገር በማድረጋቸው የተወረረው ሕዝብ የወራሪውን ቋንቋ በመናገሩ የወራሪውን አገር ማንነት ያዘ ማለት አይደለም።ማንነት የማይቀየር በትውልድ ሃረግ የሚቀባበሉት፣በደምና በሥጋ የተሳሰረ፣ከከባቢው የተፈጥሮ ጸጋ ጋር የተቆራኘ፣በስነልቦና፣በታሪክና በባህል የታጀበ እንጂ በቋንቋ ብቻ የሚገለጽ አይደለም።የአንዱ ከባቢ ተወላጅ ወይም ጎሳ ከሌላው ጋር በጉርብትናና ወይም ኑሮ ባስገደደው የመዘዋወር ሂደት አንዱ ለሌላው እያቀበለ በመቀላቀል ዘመን የተሻገረየቋንቋና የባህል ውህደት ይፈጥራል። ይህንን ለዘመናት የዘለቀ የሕዝብ መስተጋብር በመካድ ነባሩን የቤተአማራን ሕዝብ ጭራሽ እንዳልነበረና ባይተዋር አድርጎ መጤውንየኦሮሞ ጎሳ ነባርና ባለቤት ለማድረግ በኦነግና ተባባሪዎቹ የሚከናወነው ድርጊትና የታሪክ ግድፈት በምንም መልኩ ተቀባይነት የለውም።ከታሪክም ሆነ ከሕግና ከሰብአዊ አመለካከት ጋር የሚጋጭ ብቻ ሳይሆን እርኩስ ተግባር ነው።

በ1991 እ.አ.አ. ወያኔ መራሹ የኢህአዴግ ጎሰኛ ስርዓት ሲሰፍን የኢትዮጵያን ሕዝብ በጎሳ ከፋፍሎ ለመግዛት እንዲያመቸው አዲስ አወቃቀር ዘረጋ።በዚህ ሳቢያ እያንዳንዱ ጎሳ የራሴነው የሚለው ክልል እንዲኖረውና በመሬት ድርሻ እርስ በርሱ እንዲጋጭ፣ብሔራዊ አንድነቱ እንዲፈራርስ እቅድና ሕግ ወጥቶ ተግባራዊ ሆነ።በዚህም መሰረት በወሎና በሸዋ ክፍላተ ሃገር ውስጥ ባቲ፣ሃርቡ፣ከሚሴ፣ሰንበቴ(አጣዬ) የሚኖሩ ኦሮሞ ቋንቋ ተናጋሪ የሆኑ ጥቂት ነዋሪዎች ከኖሩበት ክፍለሃገርና ሕዝብ ተቆርጠው የኦሮሞያ ልዩ ዞን ተብለው እንዲጠሩ ጥህነግና ኦነግ በድርድር ፈረዱባቸው።የራያና አዘቦ ሕዝብና መሬት ለወያኔ አገዛዝ ተላልፎ ተሰጠ።እምቢ ያለው ሕዝብ በጠራራ ጸሃይ በጥይት ተደበደበ፣በጨለማ ቤት ታጎረ።ለዘመናት ተቃቅፎ የኖረው ሕዝብ የጎሰኝነት ጎራ ለይቶ እንዲጋጭ ከውጭና ከውስጥ ያሉ ጸረ ኢትዮጵያና ጸረ አንድነት ሃይሎች ስልጣንና ሃይልን ተገን አድርገው በንጹሃን ላይ የእልቂት ዘመቻ ፈጸሙ፣አሁንም በመፈጸም ላይ ናቸው።በሥልጣን ላይ የተቀመጠው ቡድንም አይቶ እንዳላዬ በመሆን አጋርነቱን አበሰረላቸው።ይባስ ብሎም ለመብታቸው የሚታገሉትን በሽብርተኛነት እየፈረጀ ማዋከቡን ሥራዬ ብሎ ተያያዘው።ጌታዋን የተማመነች ጥጃ ጅራቷን ከውጭ ታሳድራለች እንዲሉ በዚህ የመንግሥት ወገንተኝነት የጥፋት ሃይሎቹ ይበልጥ የልብ ልብ እዬተሰማቸው ሄደ።ለፍላጎታቸው መልክና ገደብ አጡለት።በከተማም ሆነ በገጠር ጭራሽ ስግብግብነት አሳበዳቸው።

በወሎ ክፍለሃገር በተለይም በነዚህ በተጠቀሱት ቦታዎች የሕዝቡን ስብጥርና ቁጥር ለማወቅ በ1994እ.አ.አ. በተደረገው ቆጠራ 60% ኦሮሞ ነህ ተብሎ የተመዘገበ ፣36% አማራ፣የቀሩት ደግሞ 2.5% መሆናቸው ታውቋል።

በነዚሁ አካባቢዎች 40% ኦሮሞኛ ተናጋሪ ሲሆን 60% አማርኛን በመደበኛ ቋንቋነት የሚናገር ሕዝብ ነው።ሌላው ወሎንና ቀሪዎቹን ክፍላተ ሃገር የማመናመኑና የማዳከሙ ስልት ደቡብና ሰሜን የሚለው የልዩነት መስመር መዘርጋቱ ነው።በዚህም አንድ የነበረው ወሎ ደቡብና ሰሜን ተብሎ እንዲራራቅና በልዩነት እንዲተያይ ብሎም ለወረራ ምቹ እንዲሆን ተደርጓል።በ1994 ቆጠራ በመላው የወሎ ክፍለሃገር 92.8% አማራ፣6.78% ኦሮሞ፣0.54% ሌላ ጎሳዎች የነበሩ ሲሆን 96.45% አማርኛ ተናጋሪ፣3.13% ኦሮሞኛ፣0.2% ሌላ ቋንቋ ተናጋሪዎች እንዳሉ ጥናቱ ያመለክታል።

በ2007 ቆጠራ የደቡብ ወሎ የመሬት ስፋት 17,067.45km2(6589,78sq.mile) ሕዝብ ቁጥር 2,518,862 ሲሆን ይህም በ1994 ከተደረገው ቁጥር በ18% አድጓል። ከዚህ ውስጥ የወንዱ ቁጥር 1,270,164፣የሴቱ 1,270,164 ነበር።በ2012 በተደረገው ቆጠራ የሕዝቡ ቁጥር 2,758,199 እንደሆነ ተገልጿል።በደቡብ ወሎ 94.33% አማራ፣ 5.67%ሌሎች ጎሳዎች ሲኖሩ አማርኛ ቋንቋ በ98.65 % ሲነገር 1.35%የሚሆኑት ሌላ ቋንቋ የሚናገሩ ናቸው።

ሰሜን ወሎ የመሬት ስፋት 12,172,50 km2(4699,83 sq mile)፣የሕዝብ ብዛት በ2007 1,500,303 የነበረው በ2017 ቆጠራ 1,639,151 በመሆን በ19,04% ጨምሯል። ወንድ 752,895 ፣ሴት 747,408 መሆኑን የብሔራዊ ስታስቲክስ ቢሮ ጥናት ያሳያል።በሰሜን ወሎ 99.8% አማራ፣0.2% ሌሎች ጎሳዎች እንደሚኖሩና 99.8% አማርኛ ተናጋሪ፣0.2% ሌሎች ቋንቋዎች ተናጋሪ እንደሆነ ተመዝግቧል።

ታዲያ ይህንን በማስረጃ የቀረበና እራሱ ኢሕአዴግ ጥናት አካሂዶ ያመነበትን ዝርዝር ወዴት አስቀምጠው ነው አሁን ወሎን የኦሮሞና የትግሬ ጎሳ ይዞታ ነው ብሎ መሬቱን ለመቀራመት ጦር የሚሰብቁት?የአስራሰባተኛውን ክፍለዘመን የዘመነ መሳፍንትን ስርዓትና የኦሮሞን ወረራ ለመድገም የሚከጅሉትን ጽንፈኞች ለማለት የምንሻው ነገር ቢኖር አርፋችሁ ተቀመጡ፣ለታሪክና ለሃቅ ተገዙ ነው።በወሎዬነቱና በኢትዮጵያዊነት ማንነቱ አምኖ ተዋልዶ የኖረውን የተለያዩ ጎሳዎች ተወላጅ ለጥፋት አትቀስቅሱት ነው።ሕዝብን ለማጋደልና አገር ለመበታተን የምትሸርቡት ሴራና የፈጠራ ታሪክ ነጻ እናወጣሃለን በማለት በምትነግዱበት ሕዝብ ክንድና ትብብር ይከሽፋል ።ያ የጊዜ ጉዳይ ነው።የክፍለሃገሩ ባለቤት የሆነው በተለይም የአማራው ህዝብ ተደ ራጅቶ እንኳንስ የራሱን በተመሳሳይ መንገድ በኦሮሞ ነውጠኞች በመፈናቀል ላይ ላሉት ለሌሎች ጎሳ ተወላጅ ለሆኑት ኢትዮጵያውያን ወገኖቹ መከታ ይሆናል።ለዚያም ፍራቻ ነው አሁን መረባረቡ የበዛበት።

በሚሰበከው የነውጠኞችና የቅጥረኞች ዲስኩር ተታለው በወገኖቻቸው ላይ ጥቃት ለማድረስ የተሰለፉትን የኦሮሞ ጎሳ ተወላጆች ወገኖቻችን ለማሳሰብ የምንወደው ከባዕዳን ወራሪዎች ቅጥረኞች ጎራ ወጥታችሁ ወደ ኢትዮጵያዊነት ጎራ ተመለሱ ።ለኢትዮጵያዊ ማንነታችሁ ቁሙ ።ሌላው ቢቀር ወደ ሰውነታችሁ ተመልሳችሁ እንደሰው አስቡ። ምክራችንን የማትቀበሉ ከሆነ ለሚደርስባችሁ ጉዳትና የታሪክ ተጠያቂነት ምክንያቱ እራሳችሁ እንደምትሆኑ ልትገነዘቡት ይገባል።

የወሎ ክፍለሃገር ተወላጆች የሆናችሁም ሁኔታውን በቸልታ ከማዬት ይልቅ በመሰባሰብ በወሎና በኢትዮጵያ ላይ በተለይም በአማራው ማህበረሰብ ላይ የተነሳውን የጥፋት ሃይል ለመከላከል በምትችሉት ሁሉ የድርሻችሁን እንድታበረክቱ የወሎ ውርስና ቅርስ ማህበር ጥሪ ያደርጋል።በወሎ ስም የሚንቀሳቀሱትንም የጥፋት ሃይል ተላላኪዎችን ቦታና ዕድል እንዳይኖራቸው የማድረጉ ተግባር ከሁሉም ወሎዬ ይጠበቃል።በጎሳ፣በቋንቋና በሃይማኖት ሰበብ ገብተው ሊያበጣብጡን በሚሞክሩት ላይ የተባበረ ክንዳችንን እናንሳባቸው!

የሌላው ክፍላተ ሃገር ተወላጅ የሆነው ኢትዮጵያዊ ዛሬ በወሎና በሌሎቹ ላይ በተለይም የአማራ ክልል ተብሎ በሚጠራው ክፍላተ ሃገር የተከፈተውን የጥቃትና የመሬት ነጠቃ በጋራ ተሰልፋችሁ እንድትከላከሉና የነበራችሁን አንድነትና አብሮነት እንድታስከብሩ ጥሪ እናደርጋለን።ዛሬ በወሎና በቤጌምድር ላይ የተሰነዘረው ጥቃትና የይገባኛል ጥያቄ ነገ በየተራ በሁሉም ላይ የሚሰነዘር መሆኑን አትርሱ። ቀደም ሲልም ኦነግ መራሹ ጽንፈኛ በህወሃት እየታገዘ በኦጋዴን ተወላጅ በሆነው የሶማሌ ጎሳ፣በደቡብ ደግሞ በኮንሶና በጌዶ ሕዝብ ላይ የደረሰው የሕዝብ ግድያ፣ማፈናቀልና የመሬት ዘረፋ እንደትምህርት ሊወሰድ የሚገባው የመከራ ጽዋ ነው።በቸልታ ከታለፈ ነገ ባለተራው የጋምቤላው፣የትግራይ፣የጎጃም፣የአፋርና የጎንደር ክፍላተ ሃገር ይሆናሉ።አሁን ለአገር አንድነት ግንባር ቀደም በሆነው የአማራ ማህበረሰብ ላይ የተከፈተውን የማጥቃት ዘመቻ በመከላከል አብሮነታችሁን ግለጹ!በሌሎች አገሮች የደረሰው የመበታተን አደጋ እንዳይደርስ በአስቸኳይ ግንባር ፈጥራችሁ ለጋራ አገራችሁ ህልውና ተሰለፉ! የአሁኑ ኦነግ መራሹ የኦሮሞ ጎሳ መስፋፋት በዚህ ብቻ አያቆምም፤እንደመሪዎቹ ቅዠት ከሆነ የምሥራቅና ደቡብ ምዕራብ ያፍሪካ አገሮችም ሳይቀሩ የቄሮ ቆንጨራ ደም የሚያፈስባቸው ቀጠናዎች ይሆናሉ።

በአማራ ሕዝብ ስም የክልሉ ባለሥልጣናት የሆናችሁ የኢሕአዴግ ሹመኞች በወሎና በጎንደር እንዲሁም በጎጃምና በሸዋ ውስጥ በኦነግና በተባባሪዎቹ የሚደረገውን ወረራና ዘመቻ የማትከላከሉና የማታወግዙ ከሆነ የአማራው ሳይሆን የአማራው ጠላት የሆነው የወያኔና የኦነግ እንደራሴዎች መሆናችሁን አትዘንጉ!እርግጥ ነው የኢሕአዴግ አካል በመሆናችሁ ኢሕአዴግ ሲወገድ አብራችሁ እንደምትወገዱ ሊያሳስባችሁ ይችላል።ቁም ነገሩ ግን በእናንተ ላይ የሚደርሰው ሳይሆን ለተተኪው ትውልድና ለልጆቻችሁ የማያሳፍር ታሪክ ጥሎ ማለፉ ነው።ከአሁኑ ሰልፋችሁን ካስተካከላችሁና ሕዝቡን ይቅርታ ጠይቃችሁ ወገንተኝነታችሁን በተግባር ካሳያችሁ የአማራ ሕዝብ ይቅር ባይ ነው።ሌላው ቢቀር ግፍ እንዳይፈጸምባችሁና በሕግ አግባብ እንድትያዙ ያደርጋል። በአማራው ስም የተቀመጣችሁበትን ወንበርና የተሰጣችሁን ሥልጣን አማራውን መጥቀሚያ እንጂ መጠቀሚያ አታድርጉት።በተሾማችሁበት ክልል ውስጥ ሕዝብ የበደሉትን፣ወንጀል የፈጸሙትን ቡድኖችና ግለሰቦች ለፍርድ ለማቅረብ እንጂ የሥልጣናችሁ መደራደሪያ አታድርጉ።

ሁሉም ሕዝብ የሚፈናቀልበት፣ኢትዮጵያ ፈራርሳ ሁሉም አገር አልባ የሚሆንበት የኢሕአዴግ የጎሳ ፖለቲካና የሚመራበት እራሱ ያረቀቀው “ሕገመንግሥት” ተብዬው የግጭት ሰነድ ተወግዶ የሥርዓት ለውጥ እስኪመጣ፣፣በሕዝብ ለሕዝብ የሕዝብ የሆነ በኢትዮጵያዊነት ካስማ ላይ የቆመ አገር ወዳድ መንግሥት እስኪመሰረት ድረስ ትግላችን መቀጠል አለበት።አሁን ሥልጣን ላይ የተቀመጠው ቡድን ያው የቀድሞው ኢሕአዴግ አባላትና ከጎሳ የተውጣጣ መሆኑን አትርሱ። የጎሳ መተካካትና የግለሰቦች መቀያዬር መፍትሔ እንደማይሆን በገሃድ እዬታዬ ነው።በባዶ ቃላት መጭበርበር ይብቃ!በጆሯችን ሳይሆን በአይምሯችን እንመራ!

ቤተአማራን(ወሎን) ከወረራ ማዳን ኢትዮጵያን ማዳን ነው!

ኢትዮጵያ በሕዝቧ የተባበረ ትግል በነጻነትና በአንድነት ለዘላለም ትኖራለች!

ወሎ የኢትዮጵያ ውርስና ቅርስ ማህበር

======================

August 15, 2019

የኢትዮጵያ ክፍላተሃገር ህብረት “አዲስ አበባ ኢትዮጵያ፣ ኢትዮጵያ አዲስ አበባ ” ናቸው ይላል—ዘግይቶም ቢሆን፡፡

በአዲስ አበባ ከተማ የማንነት ጥያቄ ላይ የኢትዮጵያ ክፍላተሃገር ህብረት ያለው አቋም

ነሓሴ 9 ቀን 2011 ዓም(15-08-2019)

አዲስ አበባ ኢትዮጵያ፣ ኢትዮጵያም አዲስ አበባ ነች!

ማንኛውም በመንግሥታዊ ስርዓት የሚመራ አገር ሥርዓተ መንግሥቱን በአንድ አካባቢ በቆረቆረው ከተማ መዘርጋቱ እንግዳ አይደለም።መንግሥት ወይም ስርዓት ያለመንበር ወይም ያለከተማ ሊመሰረት አይችልም።የሁሉም አገር ስርዓትና የከተማ አመሰራረት ታሪክ ጊዜና ቦታው ቢለያይም ተመሳሳይ ነው።

ኢትዮጵያ መንግሥታዊ ስርዓት መስርታ እንደ አገር ከተዋቀረችበትና በተጓዘችበት ታሪኳ ሁኔታው ባስገደደውና በፈቀደው ምክንያት በተለያዩ ጊዜያት በተለያዩ ቦታዎች የአስተዳደር ወይም የመንግሥት ተቋማት መቀመጫ ማእከላትን መስርታ ፖለቲካዊ፣ታሪካዊ፣ባህላዊና ኤኮኖሚያዊ ግባቶችን አከናውናለች።ከነዚህም ቀደም ብለው በገናናነታቸው ከሚታወቁት የጥንት ከተማዎች መካከል አሻራቸው ያልጠፋው፣የአሁኑ ትውልድ የሚኮራባቸውና የዓለም ሕዝብም በታሪክ ቅርስነታቸው ዕውቅና ሰጥቶ የቱሪዝም(የጉብኝት ስበት) ያገኙት የአክሱም፣ የጎንደር እንዲሁም የላሊበላ…ወዘተ ከተማዎች ምሳሌዎች ናቸው።እነዚህ ከተማዎች የከባቢ ነጠላ ጎሳ ብቻ የሚኮራባቸውና የግሌ ናቸው ብሎ ለመቆጣጠር የሚፈልጋቸው ሳይሆኑ የሁሉም ኢትዮጵያውያን የጋራ ይዞታዎች ነበሩ፣ናቸውም።

የከተማዎች ምስረታና ከቦታ ቦታ መቀያዬር በእድገትና በታሪክ አጋጣሚ የሚከሰት፣በተለይም በባላባታዊ ስርዓት የኖረ አገር በሚደረገው የሥልጣን ዝውውር አዲስ መጡ በተነሳበትና ሥልጣኑን በዘረጋበት አመቺ በሆነ ቦታ የመንግሥቱን መዋቅር መዘርጋቱ የተለመደ በመሆኑ ከዘመነ መሳፍንት በዃላ ኢትዮጵያን በአንድ ስርዎ መንግሥት ስር ለማስተዳደር ዕድልና ችሎታ የነበራቸው አጼ ሚኒሊክ አዲስ አበባን እንደገና ወደ ታሪካዊ ቦታዋ መልሰው፣የአገሪቱ ዋና ከተማ አድርገው ቆረቆሩ።

አዲስ አበባ ስትቆረቆርም ሆነ ከተቆረቆረች በዃላ የአንድ ነጠላ ጎሳ ንብረትና ይዞታ ሳትሆን የሁሉም ክፍላተሃገር ተወላጅ በህብረት የገነባት፣የኖረባት ከተማ ነች።አሁን ለደረሰችበት ለከተማዋ እድገት ደረጃ ሁሉም ዜጋ፣ሁሉም ክፍላተ ሃገር በቀጥታም ሆነ በተዘዋዋሪ እውቀቱን፣ጉልበቱን ሃብቱን፣እንዲያም ሲል ህይወቱን ገብሮላታል።ከየክፍላተ ሃገሩ ሕዝብ በግብር መልክ የሚሰበሰበው ገንዘብ ከፍተኛው ድርሻ ለዚሁ ተግባር ውሏል።ስለሆነም ሁሉም ክፍላተ ሃገር በአዲስ አበባ ላይ የባለቤትነት ድርሻ አላቸው።ጥያቄው የተወሰነ ስብስብ የሚያነሳው ብቻ ሳይሆን ሕዝባዊና አገራዊ ጥያቄ ነው።

አዲስ አበባ የሸዋ ክፍለሃገር ዋና ከተማ፣የኢትዮጵያ ክፍላተሃገር መናገሻ ከመሆኗም በላይ የአፍሪካ ህብረት መሰረቱን የጣለባት ያፍሪካውያን መዲና ናት። የብዙ ጎሳ ፣ቋንቋ፣እምነት፣ታሪክ፣ባህል የሚንጸባረቅባት ኢትዮጵያዊ ከዳር እስከዳር ወጥቶ የሚገባባት፣የሚኖርባት ፣የአገሪቱ ያስተዳደር መዋቅሮች የተተከሉባት፣የውጭ አገር ዜጎች ሳይቀሩ በነጻነት የሚስተናገዱባት የሁሉም ዓለም አቀፍ ከተማ ናት።አዲስ አበባ እንደስሟ ህብረቀለማዊ ውበቷ የተለያዩ ጎሳ ተወላጆች የሆኑ ኢትዮጵያውያን በሰላምና በአንድነት የሁላችንም ከተማ ብለው ስለሚኖሩባት ነው።

አዲስ አበባን ከኢትዮጵያ ኢትዮጵያንም ከአዲስ አበባ ነጥሎ ማዬት አይቻልም።የአንድ ሳንቲም ሁለት ገጾች ናቸው። አንዱ ከሌላው ተነጥሎ ብቻውን አይኖርም።

የአንድን አገር ዋና ከተማ እንደግል መሬት መቁጠርና የእኔ ብቻ ነች ብሎ ሌላውን አሶግዶ ጠቅልሎ ለመያዝ መስገብገብ ከጅልነትም በላይ ጅብነት ነው። ስለከተማ ምንነትና ስብጥርነት ያለማወቅ ድንቁርና ነው።ከቅርብ ጊዜ ወዲህ ተካሮ የመጣው በኦነግ ግንባር ቀደምትነት የሚመራው የኦሮሞ ጎሳ አክራሪዎች ሁሉም የኛ በሚል የይገባኛል ጥያቄና የሚፈጽሙት የማፈናቀል እርምጃ ከዚህ የተለዬ አይደለም። አገራት ድንበር ዘለል በሆነ ዓለም አቀፋዊ ፖለቲካ ላይ ሲረባረቡ እኛ ኢትዮጵያውያን መንደር ተኮር በሆነ የጎሳ ጭቅጭቅና ዃላ ቀር ፖለቲካ ላይ ተዘፍቀን ጊዜና ጉልበታችንን ስናባክን ለሚያዬን መሳቂያና መሳለቂያ ከዚያም በላይ በመዋእለ አራዊት(ዙ )ውስጥ ያለን አውሬዎች ሳንመስለው አንቀርም።በ21ኛው ክፍለ ዘመን ዓለም እየተቀራረበ ሲሄድ የእኛው ወገኖች ለመራራቅ ፣በጎሳ ተዋረድ በመሬት ቅርምት ግብግብ መግጠም ያሳፍራል።በታሪክም አስነዋሪ ምዕራፍ ይይዛል።

የኢትዮጵያ ክፍላተ ሃገር ህብረት አዲስ አበባን እንደግል ወይም እንደ አንድ ጎሳ ንብረትና መኖሪያ አድርጎ ሌላውን ባይተዋር በማድረግ የሚከናወነውን የማፈናቀል እርምጃ ፣የከተማዋን ሕዝብ ስብጥርነት(ዴሞግራፊ)ለመለወጥ ሚዛኑ ወደ አንድ ጎሳ እንዲያጋድል የማድረጉን ሂደት፣ለዚያም ሲባል የከተማዋን አስተዳደር በአንድ ጎሳ (በኦሮሞው)ተወላጆች መዳፍ ስር እንዲወድቅ የማድረጉን ሴራ በቅጡ ያወግዛል።ይህ ኢትዮጵያንና ኢትዮጵያዊነትን የማፈረስ ደባ እንደሆነ ይገነዘባል።ኦነግና ተባባሪዎቹ አገር የመመስረት እኩይ አላማና ነባሩን የማፈናቀል የቆዬ እቅድ ሥልጣን ላይ በወጡት አባሎቹ በስልት የማከናወኑ ሂደት በቀላሉ የሚታይ አይደለም።ነዋሪውን ኦሮሞ ያልሆነ ኢትዮጵያዊ ችሎ የማያሰራውን ሕንጻ እንዲያሰራ በማስገደድ ቦታውን በመንጠቅ፣በንግድ ላይ የተሰማራውን በማይችለው የግብርና የቤት ኪራይ ዕዳ ውስጥ አስገብቶ በማባረር አዲስ አበባን ፊንፊኔ ብሎ ለመሰዬምና ለመቆጣጠር የተቀመረውን ስልታዊ ዘመቻ የኢትዮጵያ ሕዝብ በአንድነት እንዲከላከለው ጥሪውን ያቀርባል።

የኢትዮጵያ ክፍላተሃገር ህብረት የአዲስ አበባ ከተማ አስተዳደር የአዲስ አበባ ነዋሪ መርጦና ፈቅዶ በሰየመው አካል መሆን እንዳለበት ያምናል።ስለሆነም አሁን በከተማዋ አስተዳደር ወንበር ላይ የተቀመጡትና ሕዝብ ያልመረጣቸው ባለሥልጣኖች ሳይውል ሳያድር ቦታውን የአዲስ አበባ ሕዝብ ለሚመርጠው አካል እንዲያስረክቡ እስከዚያው ድረስ ከከተማው ሕዝብ የተውጣጣ ጊዜያዊ የከተማ አስተዳደር እንዲመሰረት ይጠይቃል።ይህ ካልሆነ የአዲስ አበባ ከተማ ነዋሪ ሕዝብ አሁን ስልጣን ላይ ላለው ለማይወክለው አስተዳደር ትዕዛዝ ተገዢ እንዳይሆን፣በኢትዮጵያ አንድነት የሚያምነው የፖለቲካና የሲቪክ ድርጅት፣እጅ ለእጅ ተያይዞ ለዚህ አገራዊ ጥያቄ ቅድሚያ ሰጥቶ እንዲታገል ጥሪ ያደርጋል።

አዲስ አበባን ከጎሰኞች ሴራ ማዳን ኢትዮጵያን ማዳን ነው፣፤ለዚያ ግብ ከሚታገሉት አገር ወዳዶች፣የፖለቲካ ድርጅቶችና ሕዝባዊ(የሲቪክ)ድርጅቶች ጋር የኢትዮጵያ ክፍላተሃገር ህብረት አብሮ እንደሚቆም ያረጋግጣል።

አንድነት ሃይል ነው!!

የኢትዮጵያ ክፍላተሃገር ህብረት።

======================

August 13, 2019

Beauty and the Beast: The Problem with Special Zones

Political ethnicity is inherently divisive and anti-Ethiopian nationalism precisely because it misguidedly ties identity to land. In doing so, this primitive ideology justifies aggressive territorial expansionism—seeing everyone else as an enemy competitor best handled by ethnic cleansing. Reasoned arguments and historical evidence cannot penetrate such an impervious mind for the simple reason that it is greed rather than ignorance per se that animates such groups. The recent revival of the seemingly preposterous claim by OLFits of Addis Ababa, Dire Dawa, Wollo, etc. as Oromo ancestral lands is a case in point.

Some advice for ADP if it wishes to redeem itself:

  • It is great that the ARS has, unlike other Killil, created self-governing zones or special Woreda for ethnic minorities (Agew, Oromo, Argobba).

  • However, these sub-regions are not ethnically homogenous: Agew-Awi is half Amara; Wag-Himera is 45% Amara; and so-called Oromiya (Oromiya, really?) is one-third Amara—all according to the 1994 Census. The ARS parliament should rename these regions geographically as Awi, Wag, Kemise (please take out the historic Bati) to underscore the goal of local governance rather than ethnic polarization.

  • The Bahir Dar parliament has better things to do than to connive with the TPLF-ODP witch-hunt of Amara-Ethiopian nationalists. It should instead conduct a referendum in the region to have place names throughout the ‘Wollo’ Kifle-Hager restored to their rightful pre-Jihad names. This way, those who willfully confuse place names, left unchanged by a highly tolerant people of Agew and Amara descent, with land ownership will have to search for other gimmicks to destabilize Ethiopia.

  • The attempt by Oromo extremists to encircle the Amara by forming a grand alliance of the so-called Cushites against the so-called Semites, using Wollo as a stepping stone, is laughable. For one, the labels (Cushitic, Semitic, Omotic, and Nilotic) are categorizations of language families rather than ethnic groups. Secondly, Amharic as the national lingua franca, is a blend of Cushitic and Semitic languages which is why it is trans-ethnic by its very nature.

  • There is no better way to escape the endlessly divisive politicization of ethnicity than to scrap the silo system along with the poisonous constitution that justifies it.

======================

July 29, 2019

ወደ ድህረ-ኢሕአዴግ ስርዓት ጉዞ፦፫ አማራጭ ፍኖተ-ካርታዎች።

ለማንበብ እዚህ ይጫኑ (English)።

======================

July 3, 2019

ከዚህም ከዚያም የመጡ ትንተናዎች

ጥያቄ፦ለመሆኑ የአዴፓ ሊቀመንበርና የኢፊዲሪ ምክትል ጠ/ሚ አቶ ደመቀ መኮንን አዲስ አበባን ሊለቁ አካባቢ በክልላቸው በእርስ በርስም ሆነ በኦዴፓ ሴራዎች በአማራ ክልል ይህ ሁሉ ጥፋት ሲሰራ ለምን ፈቃዳቸውን እንዲሰጡ አልተጠየቁም? እንደተናቀ ሎሌ አላዎቅኩም ነበር እያሉ በየቀብሩ የሚያላዝኑት? በወያኔ የበላይነት ዘመን እንደተደረገው አሁን ደግሞ በኦዴፓ-መር የአምባገነናዊነት ሙከራ ያልተደራ አማራንና ኢትዮጵያዊ እንደገና በ“ለውጥ ሃዋርያ ተብየ” የተራቡ ጅቦች እየተሰለበ መሆኑ ነው? የተረሳችው ወሎስ፦ እኔም ክልል ልሁን ብላ ውሳኔ ሕዝብ ልትጠይቅ ይቃታት ይሆን? እንደምናየው በጎጠኝነና ወንዜነት ያማራንና የኢትዮጵያን አንድነት ለመሽንሽን 'ዘመነ መንግስታዊ' አቋም ሊወስድ ይሆን?!

የአቤል ወበልን፣ የመስከረም አበራንና የግርማ ካሳን ወቅታዊ ምልከታዎች ይመልከቱና የራስዎን ብይን ይስጡ፡፡

=============================

የጠቅላይ ሚኒስትሩ የፓርላማ ውሎ

(መስከረም አበራ)

July 2, 2019

 ጠንካራ ነኝ ማለቱ ለበጎ ያልሆነው ህወሃት የማዕከላዊ መንግስቱን መዘወሩን ካቆመ ወዲህ የመጣው የዶክተር አብይ መንግስት የተረከባት ኢትዮጵያ በጉያ በጀርባዋ፣ በእጅ በእግሯ፣ በአፍ በሆዷ ውስብስብ ችግር አዝላ የምትጎተት ነች፡፡ይህ ችግር በድንገት በመጣው የዶ/ር አብይ መንግስት ቀርቶ በማኛውም እኔ ነኝ ባይ የምድር ጠቢብ በአንድ አመት ውስጥ ሊፈታ አይችልም፡፡ዶ/ር አብይን እንደ መልስ ሳጥን ቆጥሮ ሁሉን በአንድ ቀን ፍታ የሚል ጤነኛ ኢትዮጵያዊም የለም፡፡

       ሆኖም ከችግሩ ውስብስብነት እና ውዝፍነት የተነሳም ሆነ ከእርሳቸው ሰዋዊ ድክመት የተነሳ ችግር መፍታት ቢያቅታቸው እንኳን እሳቸው የሚያመጡት ተጨማሪ ችግር እንዳይኖር ለሚሰሩት ስራ ሁሉ ተጠያቂነት ሊኖራቸው ግድ ነው፡፡በመንግስታቸው አሰራር ላይ ጥያቄ የሚያነሳው ኢትዮጵያዊ ሁሉ አላማው እሳቸውን ማጣጣል፣የጀመሩትን ጉዞ ማጨናገፍ፣ይበጃል ብለው እየሰሩ ያለውን ነገር ዋጋ ለማሳጣት ሊሆን አይችልም፡፡ይልቅስ ሃገራችን በጣም አሳሳቢ ችግር ውስጥ እንደመሆኗ መንግስታቸው በችግሩ አሳሳቢነት መጠን ያልተራመደ የሚመስለው ዜጋ ሊተቻቸው ይችላል፡፡ይህ አይነቱ ትችት የእሳቸውን ልፋት ገደል ለመክተት የተደረገ ክፉ ነገር አይደለም፡፡

       እሳቸው ግን የሚቀርብባቸውን ትችት በበጎ ጎኑ የሚረዱት አልመሰለኝም፡፡ጠቅላይ ሚኒስትሩ በትናንቱ የፓርላማ ውሏቸው ካሳዩት ሁኔታ የተረዳሁት የሃሳብ ልዩነትን እና የመንግስት ተጠያቂነትን እምብዛም እንደማይፈልጉ ብቻ ሳይሆን ስሜታዊ ብስጭት ውስጥ ሊከታቸው እንደሚፈትናቸው ነው፡፡የእርሳቸው ስሜታዊ መሆን ደግሞ የሚያጠፋው ብዙ ነው፡፡ወጣት መሪ መሆናቸው፣ሃገሪቱ ራስ አዟሪ ውስብስብ ችግር ውስጥ በተዘፈቀችበት ጊዜ ወደስልጣን መምጣታቸው ተደማምሮ ብስጭታቸውን ሊያብሰው ይችላል፡፡ሆኖም መንግስትነት ሆደ-ሰፊነት መሆኑን ማሰቡ ለእራሳቸውም ለሃገራችንም በጎ ውጤት ይኖረዋል፡፡

       በግሌ ዶ/ር አብይ ውስብስብ ችግር ያዘለችውን ሃገር ሊመሩ መንበር ከጨበጡ ወዲህ ኢህአዴግ ውስጥም ኢትዮጵያ ትታየኛለች፡፡ህወሃት መራሹን ኢህአዴግ በምጠረጥርበት ሃገር የማፍረስ ሴራ የዶ/ር አብይን ኢህአዴግ አልጠራጠውም፡፡ዶ/ር አብይ “በኢትዮጵያ ህልውና ላይ አንደራደርም” ሲሉ እኔም ስለምሳሳላት ኢትዮጵያ እኔ በሚሰማኝ መጠን እየተሰማቸው እንደሚያወሩ አምናለሁ፡፡ህወሃት ኢትዮጵያ እንዳትፈርስ ሲል ግን ስልጣኑን አጥብቆ እያሰረ እንደሆነ ብቻ እረዳ ነበር!ስለዚህ እኔን ጨምሮ እያንዳንዱ ኢትዮጵያን የሚወድ ዜጋ ከዶ/ር አብይ ጋር የሚያስማማው አንድ ጉዳይ አለ-የኢትዮጵያ ህልውና!

       በዚህ መሰረታዊ ነገር የተስማማን ሁሉ ግን ዶ/ር አብይ ኢትዮጵያን ለማዳን እርሳቸው ትክክል ነው ብለው አምነውበት በሚሄዱበት አካሄድ ሁሉ እንስማማለን ማለት አይደለም፡፡ይህ መሰረታዊ አንድነት ሳይረሳ ጥፋት የጠፋ ሲመስለው የተቸ ቢያንስ ኢትዮጵያን በማለቱ ላይ ያለው ተመሳሳይ ምኞት ተረስቶ ለጥፋት የቆመ፣መተቸት ብቻ የሚያስደስተው፣የአሉባታ ሱስ ብቻ የሚያናገረው ተደርጎ በመንግስት ዘንድ የሚታሰብ ከሆነ ቀጣዩ ትዕይንት ጋዜጠኛን እና ተችን እያሳደዱ መሰር ነው የሚሆነው፡፡

       ጠ/ሚ አብይ በሰሞኑ የፓርላማ ውሏቸው ከተነሱ ጥያቄዎች ውስጥ ገሚሶቹ ስሜታዊ አድርገዋቸው ተችዎችን “እኛ የያዝነው እውነት ነውና ማሸነፋችን አይቀርም፤እናንተ ግን እግዚአብሄር ይፍረድባችሁ” እስከማለት አድርሷቸዋል፡፡ይህን ንግግራቸውን ስሰማ ዶ/ር አብይ ለትችት ያላቸውን ስስ ስሜት በደንብ ተረድቻለሁ፤ብዙ ነገርም ወደ ህሊናየ መጥቷል-ጭንቀት ጭምር! ዶ/ር አብይ የእግዚአብሄር ፍርድ እንዲያገኛቸው ለፈጣሪ አሳልፈው የሰጧቸው ሚዲያዎች በውጭ ሃገር የሚገኙ፣በዩቱብ የሚሰራጩ እንደሆኑ አብረው ገልፀዋል፡፡ “ባህር ማዶ ስላላችሁ እኔ ምንም ላደርጋችሁ አልችልም” ሲሉም አክለዋል፡፡

       አብይ በተችዎቻቸው ላይ የመለኮት ፍርድ እንድትመጣ የፈለጉት እነዚህ ሚዲያዎች ከእርሳቸው ግዛት ውጭ ስለሆኑም ጭምር ነው፡፡ይህ ንግግራቸው እና ብስጭታቸው ሚዲያዎቹ በአብይ ግዛት ቢሆኑስ ኖሮ ማስባሉ አይቀርም፡፡ከዚህመረዳት የሚቻለው ነገር በዶ/ር አብይ ግዛት ሆኖ መንግስታቸውን መተቸት እምብዛም እድሜ ያለው ፈለግ ላይሆን እንደሚችል ነው፡፡

       ጠ/ሚው እያደር ስሜታዊነት እየታየባቸው መምጣቱ ሁለት አደጋ አዝሎ ይታየኛል፡፡ አንደኛው የአምባገነንነት ዋዜማ ሁለተኛው በዶ/ር አብይ ዘንድ እየተተከለ የመጣ የተጠልቻለሁ ስጋት፡፡ሁለቱም አሳሳቢ ናቸው፡፡አብይ ወደ አምባገነንነት እያዘነበሉ ከሄዱ የኢትዮጵያ ህዝብ ደግሞ አምባገነንነትን የመሸከም ትዕግስቱ ስለተመናመነ ሃገርን ክፉ ችግር ውስጥ የሚከት፣የመንን እና ሶሪያን የሚመስል የመንግስት እና የህዝብ አምባጓሮ ሊመጣ ይችላል፡፡ አብይ የተቻቸው ሁሉ የጠላቸው አድርገው የማሰባቸው ሁለተኛው ችግር ሰውየው የስነልቦና መረጋጋት እንዳይኖራቸውና የሃገሪቱን ችግር ሰከን ባለ ልቦና እንዳይፈቱ ያደርጋል፣ለህዝብ የመስራት ተነሳሽነታቸውንም ይቀንሳል፣በስነልቦና አለመረጋጋት እና ግራ መጋባት ውስጥም ሊከታቸው ይችላል፡፡ይህም ሃገሪቱን ወደ ቀውስ ሊመራ የሚችል ነገር ነው፡፡ይህ ደግሞ አሳሳቢ ነው፡፡

       በበኩሌ በብዙ ችግር ተቀስፋ የተያዘቸው ሃገሬ በከፍተኛ ጥንቃቄ መያዝ ያለባት ተሰባሪ እቃ እየመሰለችኝ ከመጣች ዋል አደር ብያለሁ፡፡አሁን የቀድሞዋ የምትባለው ይጎዝላቪያ ከመፈራረሷ አንድ አመት በፊት የመፍረስ ምልክት ያልነበረባት መሆኗን የሰማሁ ነኝና “እንዴትም አድርገን ብንይዛት ኢትዮጵያ አትፈራርስም” ከሚሉት ወገን አይደለሁም፡፡ ይልቅስ “ከአያያዝ ይቀደዳል” ባይ ነኝ! በተለይ የዘር ፖለቲካ የበላት ሃገር አትፈርስም ብሎ ከመተማመን ይልቅ ተቃራኒውን አስቦ አያያዙ ላይ ጠንክሮ መስራቱ የበለጠ ትርጉም ይሰጠኛል፡፡አያያዙን ማሳመሩ የሁላችንም ሃላፊነት ቢሆንም መንግስትን የሚዘውሩት ዶ/ር አብይ ፖለቲካዊ እና ስነልቦናዊ አቋቋም ደግሞ ይበልጥ አስፈላጊ ይመስለኛል፡፡

 አብይ በቋፍ ያለችውን ሃገሬን በመሃል እጃቸው ይዘው የቆሙ ሰው ይመስሉኛል፤ሃገርን ያህክል ውድ ነገር እጃቸው ላይ ያስቀመጥንባቸውን ሰው በከንቱ ሊያስመርር ትችት ይዞ የሚመጣ አለመኖሩን ቢረዱ መልካም ነው፡፡እንዲህ ያለ ሰው አይጠፋም ከተባለም ነገሩን ንቆ የተሻለ ነገር ወደመስራቱ ማዘንበሉ ይመረጣል፡፡የጠሚው ስነ-ልቦናዊ ብርታት፣ የአስተሳሰብ ከፍታ፣እንደሚያወሩት የይቅርታ ሰውነት፣በሌላው ጫማ ገብቶ የማሰብ ነገር፣ፖለቲካዊ ግንዛቤ እና ቁርጠኝነት፣አለማዳላት፣የሚናገሩትን ሆኖ መገኘት በሃገሬ ፖለቲካዊ እጣ ፋንታ ላይ የማይተካ ሚና ያለው እንደሆነ አስባለሁ፡፡የተሳሳቱ ሲመስለኝ አካሄዳቸውን ብተችም ያሉበትን አስቸጋሪ ሁኔታም እረዳለሁ፡፡በአንፃሩ ያሉበት አስቸጋሪ ሁኔታ የማይከለክላቸው ሊያደርጉ ሲገባ ያላደረጉት፣ አለማድረግ ሲገባቸው ያደረጉት ነገር እንዳለም ይሰማኛል፡፡

       ባፈው አንድ አመት የኦሮሞ ብሄርተኞች በሚዲያቸውም ሆነ በጠመንጃቸው ያጠፉትን ጥፋት ሃይ አለማለታቸው ሊያደርጉ ሲገባ ያላደረጉት ነገር ነው ብየ አስባለሁ፡፡ የሚመሩት ፓርቲ ኦዴፓ ካድሬዎች የምስኪኖችን ቤት ያውም በክረምት እያፈረሱ ማባረራቸው እና እሳቸውም አልሰማሁም ማለታቸው ባያደርጉት ምንም የማይጎዳቸው ግን ወገባቸውን ታጥቀው የሰሩት ጥፋት ይመስለኛል፡፡ ይህን ከባድ ጥፋት በሪፖርታቸው በአብዛኛው ሳይነኩት ከነኩትም አድበስብሰውት አልፈዋል፡፡

       በሰፊው እያነጋጋረ ያለው የኦሮሞ ባለስልጣናት በርከት ብሎ መሾምን በተመለከተ ሳይጠየቁ ራሳቸው አንስተውት “ኦሮሞ ያለአግባብ፣በማይገባው ሁኔታ ስልጣን ይዞ ከሆነ ከእኔ ጀምሮ ተጠያቂ እንደረግ” ብለዋል::መልሳቸው ሁለት ትርጉም አለው፡፡ አንደኛው ኦሮሞ በዛ ብሎ ተሹሞ ከሆነም የሚገባውን ቦታ ነው የያዘው አይነት ሲሆን ሁለተኛው ኦሮሞ በዝቷል እየተባለ የሚባለው ነገር ከነአካቴው ውሸት ነው የሚል አንድምታ አለው፡፡ አባባላቸው ኦሮሞ ብዙ ሆኖ መሾሙ ያለ አግባብ አይደለም ሲለሚገባው ነው የሚል ከሆነ የህወሃትን መጨረሻ እንዲያስቡ ከመምከር ውጭ ምንም የሚባል ነገር የለም፡፡

       ኦሮሞ ስልጣን ላይ በርከት ብሎ ተሹሟል የሚለው ነገር እውነት አይደለም የሚሉ ከሆነም በንግድ ባንክ የተሰገሰጉት፣በኢትዮጵያ ጉምሩክ ባለስልጣን ላይ የበዙት፣በውትድርናው መስክም ቢሆን በስመ ምክትል ኢታማጆር ሹምነት ይዝ መምሪያዎችን ሁሉ ለጠቅልሎ መያዙን አየር ሃይሉን፣የመከላከያ ሚኒስትርነቱን፣የሃገር ውስጥ ደህንነቱን፣የጠቅላይ አቃቤህግነቱን ኦሮሞ የያዘ መሆኑ እየታወቀ ይህ ምንም ችግር የለውም ብየ ስናገር መታመንን አገኛለሁ ብለው ከሆነ ይህ ከህዝብ የሚያርቅ እንጅ የሚያቀርብ ነገር አይደለም፡፡ከሁሉም በላይ የአዲስ አበባ ከንቲባ የሆኑትን አቶ ታከለ ዑማን የሾሙበት መንገድ ኦሮሞን ያለ አግባብ የመሾሙ ምልክት አይደለም ተብሎ ከሆነ የነገውን መፍራት ሊኖርብን ነው፡፡

       በመንግስታዊ መዋቅሩ ላይ የኦሮሞ ባለስልጣናት በርከት ብለው ከመታየታቸው ባሻገር በመደበኛው የመንግስት መዋቅር ላይ ምንም ስልጣን የሌላቸው እንደ ጃዋር ያሉ ኦሮሞዎች ሁሉን ማድረግ እንደሚችሉ የሚናገሩት፣የባሰባቸው ደግሞ በቪዲዮ ምስላቸውን እያሳዩ የሰው ህይወት እንሚያጠፉ የሚዝቱት እና ደግሞ ምንም የማይደረጉት፣ወደ ሃያ የሚጠጉ በንኮችን የዘረፈው የኦሮሞ ድርጅት ምንም አለመባሉ ኦሮሞ ያለ አግባብ መብት እያገኘ ስላልሆነ ከሆነ ትርጉሙ ምን ሊሆን ይችላል?

       የህገ-መንግስት መሻሻልን በተመለከተ የተነሳውን ጥያቄ የመለሱበት መንገድ አንድም ቅንነት በጎደለው ሁለትም የችግሩን አንገብጋቢነት በማይመጥን መልኩ የተመለሰ ሆኖ አግኝቸዋለሁ፡፡ጠ/ሚ አብይ መልሳቸውን የጀመሩት “ህገ-መንግስቱ አይወክለንም የሚሉ ሰዎች ህገ-መንግስቱ ከሚሰጣቸው መብት መጠቀማቸውን አልተውም” በሚል ንግግር ነው፡፡

       በመጀመሪያ ህገ-መንግስትም ሆነ ሌላ ህግ እንዲቀየርለት የሚጠይቅ አካል ጥያቄው ተሰምቶ ህጉ እስኪቀየር ድረስ ባለው ህግ የመገዛት ግዴታ አለበት፡፡ የማይፈልጉትን ህገ-መንግስት አክብረው መብቱንም የሚጠቀሙ ግዴታውንም የሚያደርጉ ሰዎች ሊመሰገኑ እንጅ ሊወቀሱ አይገባም፡፡አብይም መብትን ይጠቀማሉ ብለው ከሰሷቸው እንጅ ጠያቂዎቹ ህገመንግስቱ የጣለባቸውን ግዴታም እየተወጡ ነው፡፡ሁለተኛው እና ዋናው ነገር ህገመንግስቱ እንዲቀየር የሚጠይቁ ሰዎች ህገ-መንግሰቱ ሲረቀቅ አብረው ያላረቀቁ፣ባልተስማሙበት ህግ እንዲገዙ የተፈረደባቸው የዘር ፖለቲካው ባይትዋሮች ናቸው፡፡

       እነዚህ አካላት አብይ እንደሚያስቡት የአማራ ክልል ነዋሪዎች ብቻ አይደሉም፡፡ይልቅስ ከአማራ ክልል ህዝብ በተጨማሪ ህገ-መንግስቱ የማያውቃቸው የኢትዮጵያ የከተማ ነዋሪዎች በአብዛኛው፣ከሁለት እና በላይ ብሄሮች የሚወለዱ ሰዎች በአጠቃላይ ናቸው፡፡ እነዚህ ሰዎች ባልተስማሙበት ህግ ይገዙ ዘንድ የሚጣልባቸው ዕዳ ከየት እንደመጣ ህገ-‘መንግስቱ ጫፉ አይነካ’ የሚሉ አካላት እንዲያስረዷቸው ሁኔታዎችን ማመቻቸት የአብይ መንግስት ሃላፊነት ነው፡፡በተረፈ ‘ህገ-መንግስቱ እኔን እና ቤቴን ስለሚያረካ አናንተ እና ቤታችሁ እኛ ባወጣነው ህገ-መንግስት ትገዙ ዘንድ የተገባ ነው’ የሚሉ አካላትን እና ከህገ-መንግስቱ አንቀፆች ውስጥ በአንዱ ንዑስ አንቀፅ ውስጥ እንኳን ፍላጎታቸውን እንዳያካትቱ የተፈረደባቸውን ዜጎች እኩል “ዋልታ ረገጥ” ብሎ መሰየም ቅንነት አይደለም፤ሚዛንንም ሰባራ ያደርጋል፡፡

       ከሰሞኑ የሞት አጀብ አስከትሎ የመጣውን ፖለቲካዊ ቀውስ አስመልክቶ የተነሳውን ጥያቄ ሲመልሱ ጠ/ሚው ስሜታዊነታቸው በርትቶ፣እርግማናቸው በዝቶ አንድ ወገንን መልኣክ ሌላውን ሰይጣን የማድረግ መዛመም ታይቶባቸዋል፡፡ ወደ መልዓክት ወገን ሊያስጠጓቸው የከጀላቸውን፣በስም የጠሯቸውን ሟቾች(ዶ/ር አምባቸው እና ጀነራል ሰዓረን) የገደለውን አካል እስከመግደል ያደረሰውን ምክንያት ሁሉ በፓርላማ ውሏቸው እንዲነግሩን አይጠበቅባቸውም፡፡ሆኖም ቢያንስ ገዳዮቹን ለዚህ እርምጃ ያበቃቸው አብይ የሚሉት ክፋት፣እርኩስነት፣ፍልቅልቅ ሰው ላይ የመጨከን እርኩሰት፣ያጎረሰ እጅን የመንከስ ውለታ ቢስነት ብቻ እንደማይሆን አውቆ ላልተኛ ሁሉ የሚሰወር ነገር አይደለም፡፡በአዴፓ መሪዎች መሃል ለተከሰተው መጋደል የፌደራል መንግስቱ እጅ የለበትም ማለትም የኢህአዴግን የፓርቲ ባህል አለማወቅ ነው፡፡

  በተለይ አሁን አዴፓ ሆኛለሁ ያለው ብአዴን ለንጉስ የማጎንበስን የረዥም ዘመን ታሪክን ለሚያውቅ የገዳይ እውነት አብይ ከሚሉት እጅግ የተለየ ሌላ ሊሆን እንሚችል፤ፅድቃቸው በፌደራል መንግስት በጣም የተወራላቸው ሟቾችም መታዘዛቸው ፅድቅ ሆኖ የተቆጠረላቸው ሊሆኑ እንደሚችሉ መጠርጠር አይከፋም፡፡በተረፈ ገዳይ ተብሎ የተብጠለጠለው ቡድንም የራሱ ቤተሰብ፣ደጋፊ ያለው ለሃገርም ይበጃል ያለውን ሊሰራ የሞከረ በመሆኑ ቢያንስ ቀብሩ መዘገብ እንደነበረበት ለፍቅር እና ይቅርታ ሰባኪው ጠ/ሚ አብይ ማሳሰብ እወዳለሁ፡፡

       በአንፃሩ በዓብይ መንግስት ድርጎ የሚሰፈርላቸው የሃገር ውስጥ ሚዲያዎችም ሆኑ የአብይ መንግስት ፍቅር ያነሆለላቸው ወዶ ገባ የባሕር ማዶ ሚዲያዎች አስር ሰኮንድ ወስደው አብይ አምርረው የጠሏቸውን የብርጋዴር ጀነራል አሳምነው ፅጌን ቀብር መዘገብ አልፈለጉም፡፡ይህ የመረረ ጥላቻ አብይንም ሆነ ለአብይ መንግስት የሚያሸበሽቡ ሚዲያዎችን ትዝብት ላይ የሚጥል ብቻ ሳይሆን በፖለቲካዊ ድራማው ላይ ግድያውን የጀመረው ማን ነው? በዚህ ውስጥ የፌደራሉ መንግስት እጅስ የለበትም ወይ?የሚለውን ጥያቄ ያጠናክራል፡፡

 

================================

የአማራ ብሄረተኝነት ትልቅ ስጋት ነው፣ ግን መፍትሄው እነ ዶ/ር አብይ እጅ ውስጥ ነው ያለው

(#ግርማካሳ) July 2, 2019 

 አንዳንድ ሰዎች የአማራ ብሄረተኝነት በጣም አደገኛ ደረጃ ደርሷል ይላሉ። ከነዚህ ሰዎች መካከል ጠቅላይ ሚኒስትር ዶ/ር አብይ አህመድ ይገኙበታል። አንድ ወቅት በሰጡት አስተያየት ጠቅላይ ሚኒስትሩ ፣ “የአማራ ናሽናሊዝም ወደ ሚያስፈራ ደራጃ እያደገ ነው” ብለው ነበር የተናገሩት።

የአማራ ብሄረተኝነት ስጋት ነው ተብሎ ከታሰበ፣ በቀዳሚነት ይሄ ከጥቂት አመታት በፊት ያልነበረ ብሄረተኝነት እንዴት በአጭር ጊዜ   ውስጥ አሁን የደረሰበት ደረጃ መድረስ ቻለ ብለን መመርመር ያለብን መሰለኝ።  መፍትሄ ወደምንለው ከመሄዳችን በፊት የችግሩን ምንጭ መረዳት አስፈላጊ ነው።

የአማራ ብሄረተኝነትን የተወለደው አማራ-ጠል በሆኑ የትግራይና የኦሮሞ ብሄረተኝነት ነው። ስልጣን ላይ የነበሩና አሁንም ያሉ የኦሮሞ(ኦነግ/ኦህዴድ) እና የትግራይ (ሕወሃት) ብሄረተኛ ፖለቲከኞች፣  አሁን ሕግ መንግህስት የሚባለውን ሲያረቁ፣ በዘር ላይ እንዲያተኩር ነው ያደረጉት። ክልል የሚሏቸው የፌዴራል መስተዳድሮች የተዘረጉት በዘር ነው። ከአማራ ክልል ውጭና በአማራ ክልል ውስጥም የኦሮሞ ዞን(ከሚሴ) ውስጥ ፣ አማራዎች እንደ ሁለተኛ ዜጋ እየተቆጠሩ  ከፍተኛ በደልና ግፍ ላለፉት ሃያ ሰምንስት አመታት ሲፈጸምባቸው ነበር። አማራው ኢትዮጵያዊነቴ ይበቃኛል ብሎ ሲቆም፣ ነፍጠኛ፣ ትምክህተኛ ተብሎ ተጠቃ። ተፈናቀለ፣ ተገደለ።

አማራ ተብሎ፣ ተነጥሎ፣ በስርዓቱና በመንግስታዊ አሰራሩ፣ በደልና ግፍ እየደረሰበት ስለሆነም፣ ለሕልውናው ሲል፣ በአማራ ስም መደረጃት ተፈለገ። የአማራ ብሄረተኘነትም አቆጥቁጦ በእግሩ መሄድ ጀመረ።

በዶ/ር አብይ አህመድ የሚመራው የኦዴፓ አገዛዝ፣ ከሰኔ 15ቱ የባህር ዳርና የአዲስ አበባ የባለስልጣናትን መሞትን ተከትሎ፣  “መፈንቀለ መንግስት” ብለው የጠሩትን፣ የራሳቸው የኢሕአዴጎች የርስ በርስ ሽኩቻንና መገዳደልን፣ እንደ ሰበብና መልካም አጋጣሚ በመጠቀም፣ ከነርሱ የተለየ የፖለቲካ አመለካከት ያላቸው የሚባሉትን፣  በዋናነት የባላአደራው ምክር ቤትና የአብን  አባላትንና፣ በኢሕአዴግ/አዴፓ ውስጥ ያሉ ለኦዴፓ ማጎብደድ የለብንም የሚሉ ጠንካራ አመራሮችና አባላትንም  በገፍና በጅምላ፣  “ሽብርተኛ” እያሉ እያሰሩ ነው።

እነ ዶ/ር አብይ አህመድማ የኦዴፓ ጓዶቻችው፣  ምን አልባት ይሄንን መስመር የለቀቀ፣ ህወሃት ሲያደርገው የነበረውን አይነት የጡንቻ እርምጃ በመዉሰዳቸው፣ “የአማራ  ብሄረተኝነት እናጠፋለን” ብለው አስበው  ከሆነ በጣም ፣ እጅግ በጣም ተሳስተዋል። እንደው የበለጠ አስር እጥፍ የአማራ ብሄረተኝነት ጥንካሬ እንዲጨምር ነው የሚያደርጉት።

የአማራ ብሄረተኝነትን እድገት ለማቆም ብሎም በሂደት ተዳክሞ  እንዲከስም ማድረግ አስፈላጊ ነው። ያንን ለማድረግ፣የአማራ ብሄረተኝነት እንዲያድግ ingredient የሆነውን ነገር ማራቅና ማስወገድ ያስፈልጋል። በዋናነት የአገሪቷን የፖለቲከ ጨዋታ ህግ መቀየር ያስፍፈልጋል። ጨዋታውን ከጎሳ ፖለቲካ ጨዋታ ማውጣት ያስፈለጋል። ያን ማድረግ ካልተቻለ፣ በጉራጌኛ ዘፈን ትግሪኛ ጨፍሩ፣ ወይም በቅርጫት ኳስ ጨዋታ፣ እግር ኳስ ይመስል፣  አስራ አንድ ተጨዋች አሰልፉ እንደማለት ነው።

 

1.   የኦሮሞ ፣ የትግሬ፣ የአማራ ..ባህል ማእከላት፣ የተለያዩ የብሄረሰቦች ቅርስና ቋንቋ የሚያሳድቁ የሲቪክ ማህበራትና ተቋማት ሊኖሩ ይችላሉ። ዜጎች አማራ ነን፣ ጉራጌ ነን …ብለው በግለሰብ ደረጃ መናገር፣ መጻፍ ይችላሉ። ነገር ግን በዘርና በጎሳ ላይ የተመሰረቱ የፖለቲካ ድርጅቶች መታገድ አለባቸው።

2.   ኢትዮጵያዊነትን ያላማከለ ዘረኛ ሕግ መንግስትን መቀየር ወይንም በእጅጉ ማሻሻል፣ በተለይም የኢትዮጵያ ባለቤት ብሄር ብሄረሰብና ህዝብ የሚለው ሳይሆን የኢትዮጵያ ሕዝብ ወይን ዜጎች እንዲሆኑ ማድረግ አስፈላጊ ነው።

3.   የጎሳ አወቃቀርን አስወግዶ፣ ምን አልባት የሶማሌ ክልል ርእስ መስተዳደር አቶ ሙስጠፋ እንዳሉት ሰሜን፣ ደቡብ፣ ምስራቅ፣ ምእራብና መሐል ኢትዮጵያ የሚሉ ፣ ወይም ሌላ ግን ዘር ላይ ያላተኮረ፣ የፌዴራል መስተዳድሮችን መዘርጋት አስፈላጊ ነው። አንድም ቦታ፣ አንድም ቀበሌ የአንድ ወይንም የተወሰኑ ጎሳዎች መሬት ተደርጎ መቆጠር የለበትም። ሁሉም የአገሪቷ ግዛት የሁሉም ኢትዮጵያዉያን መሆኑን መረጋገጥ አለበት።  አንድ ኦሮሞ ከጨለንቆ ወይም አንድ ትግሬ ከሸምበቆ አዲስ አበባ  ወይም ጎንደር ቢመጡ፣ በአዲስ አበባና ጎንደር ከተማ ሕግ መሰረት ለተወሰኑ ወራት ከኖሩ በኋላ እዚያ ከተወለዱት ነዋሪዎች እኩል መብታቸው ተከብሮ ካስፈለገም ተወዳድረው፣ ህዝብ ከመረጣቸው ከንቲባ የመሆን መብታቸው መረጋገጥ አለበት። የየደብረ ማርቆስ  ወይም የወላይታ ሶዶ ተወላጆች፣  ነቀምቴ ወይም ደሴ አስተዳዳሪ መሆን መቻል አለባቸው።

 

አንድ ወቅት ከሞሬሽ፣ በቅርቡ ደግሞ ከአብን አመራሮች ጋር ተነጋግሬ ነበር። ሁለቱም የአማራ ድርጅቶች ከላይ የተጠቀሱት ሃሳቦችን በእጅጉ እንደሚጋሩ ነው ለመረዳት የቻልኩት። ራሳቸውን አክስመው አገር አቀፍ ለመሆን ዝግጁ ናቸው ።

የአማራ ማህበረሰብ መጀመሪያዉኑ አማራ ብሎ የተነሳው ስለተጠቃ ፣ ለሕልውና ብሎ እንጂ ፈልጎ አልነበረም። ውስጡ፣ አጥንቱና ደሙ ኢትዮጵያዊነት ነው። ሁሉም ኢትዮጵያን ካለ፣ በሁሉም ቦታ እንደ ኢትዮጵያዊ መኖር፣ መስራት ከተቻለ፣ መቀሌና ነቀምቴ እንደ ደብረ ማርቆስና ደሴ ከሆኑለት እልልልል ይላል እንጂ በጭራሽ አይከፋውም።

የኢትዮጵያ ጠላት ሄርማን ኮሆን፣ “አማራዎች ስልጣን አጣን፣  የበላይ መሆን አለብን ብለው ፣ የድሮዉን ስርዓት ለመመለስ ነው የሚፈልጉት”  አለ። የዉሸትና የጥላቻ ፕሮፖጋንዳ !!!!ምን አልባት ይህን አይነት አስተያየት ሀርማን ኮሆን የሚናገረው የኦሮሞ ጽንፈኛ ብሄረተኞች ከሚናገሩትና ከሚጽፉት ተነስቶም ሊሆን ይችላል።

ህዝቡ ዘረኛ አይደለም። እኔ ብቻ ልጠቀም፣ እኔ ብቻ ልዩ ጥቅም ላግኝ አላለም። ምነው ኦሮሞዎቹን እነ ዶ/ር አብይን ቀድሞ ሆ ብሎ የደገፈው ማህበረሰብ የአማራው ማህበረሰብ አይደለምን ? ሕዝቡ የሚፈልገው እኩልነት ነው።

       ከላይ የተጠቀሱ ነጥቦች ተግባራዊ በማድረግ፣ ሃይልና ጡንቻ ሳያስፈልግ የአማራ ብሄረተኝነትን ራሱ አማራው ጆንያ ውስጥ ያስገባዋል፤ ወደ ጎን ያደርገዋል።

ነገር ግን ጽንፈኛ ኦሮሞዎች አገርን እያመሱ፣ እነ ኦነግና መሰሎቻቸው ሚሊሺያ እያደራጁ፣ የኬኛ ፖለቲካ አየሩን ተቆጣጥሮ፣ በኦሮሞ ክልል ኦሮሞ ያልሆኑ በግፍ መጤ እየተባሉ እየተፈናቀሉ፣ የኦሮሞ ብሄረተኝነት በተለይም አማራ ጠል የኦሮሞ ብሄረተኝነት ከቁጥጥር ውጭ እየሆነ፣ እኛ ልዩ ተጠቃሚ መሆን አለብን በሚል፣ ኦሮሞው ከሌላው እኩል ሆኖ የሚኖርበት ሳይሆን ኦሮሞ የበላይ እንዲሆን እየተፈለገ፣ ተራው የኛ ነው ባዮች ስልጣኑን ጨብጠውና ዜጎች በጅምላ እየታሰሩ ባለበት ሁኔታ፣ አማራውን በአማራነት አትደራጅ ማለት ግብዝነት ካልሆነ ምን ሊባል ይችላል ?

እንደውም ትግሬ በዘሩ፣ ኦሮሞ በዘሩ ሲደራጅ ዝም ተብሎ፣ ከነርሱም ጋር እየተሰራ፣ አማራው ለምን ተደራጀ ማለት ፣ የዘር-ፖለቲካን መቃወምና መጥላትን ሳይሆን፣ አማራውን መጥላት ተደርጎ ነው ሊታይ የሚገባው።

===================

አንዳንድ ነገሮች…

በአቤል ወበላ (June 28, 2019)

 የተፈፀመውን ግድያ በብርጋዴል ጄኔራል አሳምነው ፅጌ፣ በአብን ወይም በፀንፈኛ አማራ ናሽናሊዝም ማላከክ የችግሩን ምንጭ ከመከለል በቀር ምንም አይፈይድም። መነሻ ምክንያቱን መፈተሽ ብልህነት ነው።

* ጠቅላይ ሚኒስትር ዐቢይ አሕመድ ሀገሪቱን ከሴራ ፖለቲካ ማላቀቅ አልቻሉም። ባንዳንድ ሁኔታዎች ራሳቸውም የሴራው አካል መሆናቸውን መገመት በመቻሉ ሁኔታው ተስፋ አስቆራጭ ሆኗል።

* ሁሉን አካታች ፍኖተ ካርታ ማቅረብ አልተቻልም። የተረኝነት መንፈስ ገኗል። ጠቅላይ ሚኒስትሩ ሀገሪቱን አሻግራለኹ ብለው የገቡትን ቃል በአቅም ማነስ ይሁን በዳተኝነት አጥፈው በዘር ላይ በተመሰረተው ፌደራሊዝም እንደማይደራደር በፓርቲያቸው በኩል አሳውቀዋል።

* ይህ እንዲፈጠር የኢህአዴግ አባል ድርጅቶቸ አስተዋፅኦ እንዳለ ሆነ የቀድሞውን አስተዳደር ሲቃወሙ የነበሩ ነገር ግን አሁን መንግስትን የተለጠፉ ፖለቲከኞች፣ የመንግስትን ጥሪ ተቀብለው መንግስታዊ ኃላፊነት የተረከቡ ባለሙያዎች፣ የዐቢይ አህመድን አስተዳደር ነባራዊ እውነታውን እንዳይረዳ አድርገዋል። ያልተገባ አፕሩቫል ሰጥተዋል።

* አንዱ ሀገር እንደሌለው እየተሰማው ሌላው በተረኝነት (entitlement) መንፈስ እየተንጎማለለ በሰላም መኖር አይቻልም።

* ለዚህ የባለጊዜነት/ተረኝነት እና የሀገር አልባነት ስሜት መፈጠር አስተዋፅኦ ያደረጉ በርካታ ነገሮቸ ቢኖሩም እንደሕገ መንግስቱ የአንበሳውን ድርሻ የሚወስድ የለም።

* የአማራ ክልል በዚህ የዘር ፌዴሬሽን ከሚኖር የራሱን ሀገር ቢመሰርት ይሻለዋል።

* በህይወት የተረፉት እና ወደፊት የሚመጡት የክልሉ መሪዎች ይህንን ኢፍትሃዊ ‘አማራ-ጠል’ ስርዓት እልባት እንዲያገኝ ማድረግ የመጀመሪያ ተግባሩ መሆን አለበት። አለበለዚያ የህዝቡ ፍላጎት የሚፈጥረው ጫና ሁለተኛ ዙር መተላለቅ እንዳይፈጠር ያሰጋል።

* የአዲስ አበባ ህዝብ በዜጎችን ስም በሚነግዱ እና ኢህአዴግን በምርጫ ሊቀጡ ቀጠሮ በሚይዙ ቡድኖች እየተታለለ መኖር የትም አያደርሰውም። ለኢትዮጵያ ህልውና ከተቻለ መታገል ነው። ካልሆነ ተስፋው ስደት ብቻ ነው።

*በትግራይ ልሂቁ እና ፖለቲከኛው አራት ኪሎን እየናፈቀ ህዝቡን በፕሮፓጋንዳ እየጠመዘዘ ነው፡፡ ኢትዮጵያ ብትፈርስ የሚጎዳው ህዝቡ ነው፡፡ ከአማራ ክልል ጋር የሚገናኘው መንገድ በመዘጋቱ የፈጠረው ችግር የአደባባይ ሀቅ ነው፡፡ ይህንን የሚያስተውል በቂ ልሂቅ እና ፖለቲከኛ በመድረኩ የለም፡፡

* ደቡብ ክልል ተብሎ በሚጠራው የሀገሪቱ ክፍል አማራጮች ያሉት ይመስለኛል፡፡ አንደኛው ደቡብ በተባለው ከረጢት ውስጥ ሆኖ የሀገሪቱ ገዢዎች ደጋፊ እና ተባባሪ እና በስልጣን ላይ ያሉት በሚሰጡት ድርጎ መኖር ነው፡፡ ሁለተኛ የሲዳማ መንገድን በመከተል ክልልነት በማወጅ ኢትዮጵያን ለማፍረስ ከሚሰሩ ኃይሎች ጋር በመተባበር በሚመሰረተው ኩርማን ሀገር ውስጥ ከመጀመሪያው ባልተለየ አጃቢነት መኖር ነው፡፡ ሦስተኛው በዜግነት በእኩልነት የሚኖሩባት ኢትዮጵያ እንድትፈጠር መታገል ነው፡፡

* የኦሮሞ ልሂቅ ከጥቂቱ በቀር Live with it በሚባል ትዕቢት ተወጥሯል፡፡ ኢትዮጵያ እስክትሰበር ድረስ ለመመዝበር ቁርጠኝነት አለው፡፡ ስትሰበር ደግሞ ኩርማን ሀገር ለመመስርት ስለማይዳዳ Nothing to care ሁለተኛው መፈክሩ ነው፡፡ ይመክራሉ ይዘክራሉ የተባሉት በለው በለው የሚል ማደናበር ላይ ናቸው፡፡ ይህንን ታሪካዊ ኃላፊነት የሚረዱ እና ለመስራት የማይለግሙ ወዴት አሉ?

*ሶማሌ፣ አፋር፣ ጋምቤላ እና ቤኒሻንጉል በዳር ሀገር (periphery) ስም ሁሌ አጋር ተብለው ከሀገሪቱ የኢኮኖሚ እና ፖለቲካዊ ጉዳዮች ተገልለው መኖር ይመርጡ ይሆን? መቼም ወደ ፖለቲካ ስልጣን የማያመጣቸውን ከዜጎች እኩል የማያደርጋቸውን ስርዓት ካላዋለዱ በኩርማን ሀገር መረገጥ እጣ ፈንታቸው ነው፡፡

* ይህ የተረኝነት እና የሀገር አልባነት መንፈስ እንዲፈርስ ህገ መንግስቱ እንዳይነካ ከሚፈልጉ እና ህገ መንግስቱ እንዲለወጥ የሚፈልጉ ሰዎችን ያካተተ ብዙሃኑ ኢትዮጵያዊ እምነት የሚጥልበት በግልፅነት እና በታማኝነት የሚሰራ የሕገ መንግስቱን ጉዳይ በምን አይነት መንገድ መፍትሔ እንደሚያገኝ የሚያማክር ቡድን በተቻለ ፍጥነት መቋቋም አለበት።

* በአሁን ወቅት በጠቅላይ አቃቤ ህግ እየተደረገ ያለው አፋኝ ህጎችን የማሻሻል ሂደት በግልፅነቱ፣ በተዓማኒነቱ እና በአሳታፊነቱ እንደመነሻ የሚያገለግል ስለሆነ ይህ ህገ መንግስቱን የሚያሻሽል/የሚለውጥ ሂደት ትምህርት ቢወስድ መልካም ነው።

* የህገ መንግስቱ ጉዳይ እልባት ሳያገኝ ምንም አይነት የምርጫ ወሬ፣ ሽርጉድ፣ ክርክር መጀመር የለበትም።

* የኢትዮጵያ መከላከያ ሚኒስትር አቶ ለማ መገርሳ እንዳሉት ይህ ወቅት የሸግግር ነው። በሽግግር ወቅት የሚኖር ስልጣን በመደበኛ ጊዜ ከሚኖር ስልጣን ያነሰ መሆኑ ሊሰመርበት ይገባል። ስለዚህ በዚህ ወቅት ስልጣን ላይ ያሉ ሰዎች ራሳቸውን እንደ ባለሙሉ ባለስልጣን ሳይሆን ለጊዜው መደበኛ የመንግስት ስራዎችን ለማከናወን በአደራ መልክ በኃላፊነት ስልጣን እንደያዘ በመቁጠር ሁሉንም የህብረተሰብ ክፍል ያማከሉ ስራዎችን ማኀበረሰቡን እያማከሩ እንዲሰሩ ይደረግ።

* በአዲስ አበባ አስተዳደር እና በአንዳንድ የመንግስት ከፍተኛ መዋቅሮች የሚታየው እብሪት፣ ትዕቢት እና ተረኝነት ሰከን ቢል መልካም ነው። ማንንም አይጠቅምም።

 **********

መጀመሪያ፡- ሰላም፣ መረጋጋት፣ ጸጥታ፣

ሁለተኛ ፡- ብሔራዊ እርቅ፣ የልሂቃን ድርድር፣ ሕገ መንግስት ማሻሻል፣ ፖለቲካዊ መረጋጋት

ሦስተኛ፡- የህዝብ ቆጠራ በመቀጠል ምርጫ

====================

June 28, 2019

Federal/ODP Invasion of the Amhara Regional State!

UPDATE: Things are still evolving and murky in what appears to be a Federal-sponsored campaign of killings and mass arrests of Amhara nationalists and Ethiopian nationalists (over 200 to date) by the ODP-led regime. Internet services have been suspended until today to prevent independent accounts of the violent incident at the ADP headquarters on Saturday, June 22 and the subsequent witch hunt operations in ARS, Addis Ababa, and Dire Dawa.

Two competing narratives are very much in evidence.

1. The Federal Government’s Narrative:

An attempted coup d’etat led by BG Asaminew Tsige was foiled by pre-positioned Federal forces. There has been a loss of many lives in Bahir Dar and its environs including those Dr. Ambachew Mekonnen, Ato Ezez Wassie, Ato Migbaru Kebede, and BG Asaminew Tsige. Federal and Regional forces continue to conduct mass arrests, summary killings and disarming operations. Closely related to the attempted coup in Bahr Dar, a body-guard assassinated General Seare Mekonnen together with retired Major General Gezai Abera in the former’s residence.

2. The Emerging Alternative Narrative:

Incensed by a program to train Amhara militia to match the 400,000 militia each in Tigray and Oromia, and the arrest of 50 ring leaders (zonal officers, OLF militia, and Federal forces under the command of General Berhanu Jula) in terrorist attacks in the Kemise Zone, PM Abiy is said to have ordered Dr. Ambachew to fire BG Asaminew. At the conclusion of the three-day meeting which decided to fire the regional security chief, a fire fight between Federal and Regional guards resulted in many (yet unreported) deaths. Subsequently, Federal forces have mounted a region-wide operation to arrest or kill Fanno youths, members of NaMA, and members of Eskinder Nega’s Baladera council in Addis Ababa. These developments clearly point to an orchestrated elimination of the Ethiopian nationalist opposition to the ODP/OLF alliance which has progressively taken over all key positions the Federal Government and the Addis Ababa city administration over the past year.

Comment: It is odd that the Abiy Government stood by as 3 million Ethiopians were ethnically cleansed mainly by Somali and Oromo militias and yet he managed to enter Bahir Dar within hours. No did it lift a hand when the OLF was taking over parts of the Oromia Regional State. To accentuate the tragic drama, the PM himself was said to be directing the operations, including the “coup d’etat” narrative to justify Federal intervention without the invitation of the Regional State (which, some say, caused the elimination of Gen. Seare for opposing the abuse of federal power).

With the paralysis of the hopelessly discredited ADP and SNNP leaderships, the EPRDF appears to be no more. The promise of a transition to a democratic order has thereby been cruelly aborted. We will see in the next few months whether the ODP and TPLF wings will fight it out for control of the national state until one of them becomes a hegemon, form an alliance to share power, or let the country disintegrate.

The destruction of some of the political leadership of the Amhara region for short-term gains is a tragedy for Ethiopia that only Tigrean and Oromo ethncists and the Egypt-Eritrea destabilizers will see fit to celebrate. As long as the toxic ethnic-based political system reigns supreme, Ethiopia will continue to be vulnerable to external destabilization and internal atrophy.

RIP: May the victim’s of the Barbaric political violence rest in peace.

======================

ወቅታዊ መግለጫ

በአማራ ሕዝብ ላይ የተከፈተው ዘመቻ በአስቸኳይ ይቁም!!!

June 27, 2019

ኢትዮጵያ ታፍራና ተከብራ በነጻነት እንዳበራች ዛሬ ላይ እንድትደርስ የአማራው ሕዝብ መስፈሪያ የለሽ ዋጋ መክፈሉ ታሪክ ምስክር ነው:: ሃገራችን ተስፋፊና ወራሪ ሃይሎችን መክታ ሉዐላዊነቷ አስጠብቃ እንድትኖር የመላው ዜጎቿ ተጋድሎ ውጤት ቢሆንም አማራው ግንባር ቀደም በመሆኑ ለውጪና ለውስጥ ጠላቶች ኢላማ እንዲሆን አድርጎታል:: በዚህም ባለፉት 50 አመታት ግልጽ ጥቃት ተከፍቶበት ብዙ መከራን ሊያስተናግድ ተገዶ ቆይቷል::

በተለይ ባለፉት 28 አመታት አማራው በግልጽ ማንነቱን መሰረት ያደረገ የጥቃት ዘመቻ ተከፍቶበት ዋጋ ሲከፍል ቢቆይም ከኢትዮጵያዊ ማንነቱ ወርዶ በብሄር ላለመደራጀት በትግዕስት ለመቆየት ሞክሯል:: የመከራው መርግ መክበድ የግፍ መበራከትና የስቃዩ ብዛት ሳይወድ በግድ በብሄር ማንነቱ ተሰባስቦ እንዲመክት ተገዷል::

ሕወሃት ኦነግና ግብረአበሮቻቸው አማራውን ገለን ቀብረነዋል :: አከርካሪው ተሰብሮ እንዳይነሳ አርገን ጥለንዋል:: ቢሉም በማንነቱ መሰባሰብ በጀመረ ማግስት ያሳየው መነሳሳት ጠላቶቹን ከፍተኛ ድንጋጤ ላይ ጥሏቸዋል:: የአማራው መነቃቃትና መደራጀት ለአማራው ብቻ ሳይሆን ጥላቻና የግንጠላ አጀንዳ ያላቸውን የጽንፈኛ ሃይሎችን ሕልም አምክኖ ለመላው ኢትዮጵያዉያን ብሄሮች ሕልውና ጭምር ተስፉ በመሆኑ አደረጃጀቱ እንዲመክን አንድነቱ እንዲበተን በግልጽና በስውር ሰፊ ዘመቻ ተከፍቶበት ቆይቷል::

ይህንንም ተቋቁሞ እራሱን ከማንኛውም ጥቃት ለመከላከል የሚያደርገውን ዝግጅት ለመቀልበስ በጠቅላይ ሚኒስትር አብይ በተቀናበረ ሴራና የፖለቲካ አሻጥር መፈንቅለ መንግስት በሚል ሰበብ በአንድ ቡድን የበላይነት በሚመራ የፌዴራል ጣልቃ ገብ ወታደራዊ ወረራ ስር እንዲውል ተደርጏል:: ይህንን በዓለም ታሪክ ተሠምቶ የማያውቅና ፍጹም ግልጽነት የጎደለው ድርጊት በጽኑ እናወግዛለን:: ለሃገር የማይበጅና ሁሉንም ወገን ዋጋ የሚያስከፍልና መሪውን የሚያስጠይቅ እርምጃ ባስቸኳይ እንዲቆም የሕዝቡን መብትና ነጻነት እንዲያከብሩ በጥብቅ እናሳስባለን::

ጠቅላይ ሚንስትሩ ድርጅታቸውና የፌዴራል ካቢኔያቸው ሃገር ሊያፈርስ ሕዝብን ለአመጽ ከሚጋብዝ ድርጊት ተቆጥበው ዘለቄታዊ አብሮነታችን እንዲቀጥልና ሰላማችን እንዲከበር ግልጽና አፋጣኝ ምላሽ እንዲሰጡ እንጠይቃለን:: የአማራው ሕዝብ የጀመረውን መብቱን የማስጠበቅና ሕልውናውን የመከላከል ትግል ሳይከፋፈል አንድነቱን አጥብቆና አጠንክሮ እንዲቀጥል ወገናዊ ጥሪያችንን እናቀርባለን::

 እንዲሁም :-

1. መፈንቅለ መንግስት በሚል ተራ የቅጥፈት ፖለቲካ ሃገሪቷ ብሄራዊ አደጋ ላይ የወደቀች አስመስሎ በዶር አብይና በመንግስታቸው የቀረበው ዘገባና ፍረጃ አስቸኳይ የሆነ ማብራሪይ እንዲሰጥበት::

2. ከአማራ ክልል ፍቃድና እውቅና ውጪ በጠቅላይ ሚንስትሩ አዝማችንት በፌዴራል ወታደሮች የተደረገው ጣልቃ ገብነት ሕጋዊ አግባብነት የሌለው በመሆኑ ውሳኔውን የሰጠው አካል እንዲጠየቅ የፈጸሙትም ድርጊት በነጻና ገለልተኛ አካል እንዲጣራ

3. በአንድ ቡድንና ብሄር የበላይነት የሚመራው ወታደራዊ ካውንስል የሚወስዳቸው እርምጃዎች ተቀባይነት የሌለው በመሆኑ ባስቸኳይ ከአማራ ክልል ለቆ እንዲወጣ ጸጥታ የማስከበሩን ሃላፊነት ለክልሉ ፀጥታ ሃይል እንዲያስረክብ

4. ከሕግ አግባብና ግልጽ ባልሆነ ምክንያት የታሰሩ የክልሉ አመራሮችና የአማራ ወጣቶች በአስቸኳይ እንዲፈታ ጥፉት አደረሱ የተባሉም ካሉ በግልጽ እንዲዳኙ እንዲደረግ

5. ምንም ባልተጣራ ምክንያት በፌዴራል መንግስት በአማራ ሕዝብና መሪዎች ላይ የተወሰደው እርምጃ : በሃገሪቱ የኢታማጆር ሹምና በጡረተኛው ጀነራል ላይ ምንነቱ ያልታወቀው ግድያ ገለልተኛና እለም ዓቀፍ አጣሪ ኮሚሽን ተቋቁሞ ሂደቱ እንዲጣራ

6. ከሕግ አግባብ ውጪ የአማራውን ሕዝብ ትጥቅ የማስፈታት እንቅስቃሴ በአስቸኳይ እንዲቆም: ሰላም ለማስፈን በሚል ሰበብ በሕዝቡ ላይ የሚደረገው ግድያ በአስቸኳይ እንዲቆም እንጠይቃለን::

7. ኢሳት የተባለው ሚድያ ሕዝባዊ ወገንተኛነቱን ትቶ ለገዥዎች ልሳን በመሆን ያልተጣራ ዘገባና ውንጀላን በስፋት በማናፈስ እውነትን ለማድበስበስ ከሚያደርገው እርካሽ ተግባር እንዲቆጠብ ሕዝባችንም የሚዲያ ተቋሙን ቅጥረኛ ተግባር ተረድቶ እንዳይታለል በጥብቅ እናሳስባለን!

ድል ለሕዝባችን!

አቶ ሐይለገብርኤል አያሌው
ሻለቃ ዳዊት ወልደጎርጊስ
ዶ/ር ዳንኤል ክንዴ
ዶ/ር ሰማህኝ ጋሹ
አቶ ቴዋድሮስ ፀጋዬ
ወ/ሮ ፀሃይ መዝገቡ
አቶ ዳንዔል ሐይሌ
ወ/ሮ ሜሮን አጎናፍር
አቶ ንጉሴ አዳሙ
አቶ ሚካኤል ሳህሌ
አቶ ይፍሩ ረታ
አቶ ይፍሩ ሀይሉ
ዶ/ር ግርማ ብሩ
አቶ በላይ ሀይሉ

======================

April 11, 2019

We Condemn Federal and Regional Government Complicity in the repeated O.L.F.  Barbaric Acts in Wollo

  1. OLF terrorism goes national as it spreads to ARS with the Federal Government winking in approval and the ADP Government paralyzed in opportunism:

We are saddened by the death and destruction wrought by heavily armed OLF terrorists sporting the uniform and weapons of the Ethiopian army.  Nothing illustrates the connivance of the current EPRDF government than its willful ignorance  and tacit approval of the bid for greedy Oromo elites to reign supreme over the Ethiopian government by replacing the despised TPLF warlords.  The country, we are sad to admit, is now in the first stage of a bloody civil war. The bids by anti-Ethiopian ethnocrats to take over Addis Ababa, Dire Dawa, Harrar, and Awassa appear to be an integral part of this evil strategy. Rwanda is calling.

 2. Know thy country:

The so-called Oromia Zone of the Amhara Regional State (ARS) covers a strip of territory in the south-east of the State, created by arbitrarily slicing territories from Wollo and Shewa on the insistence of the OLF in 1991.  The multi-ethic region covers such historic towns as Bati, Harbu, Kemise, and Senbete (Ataye). The half a million residents of the Zone comprise 60% of residents who self-identified in the 1994 Census as Oromo, 36% as Amhara, an 2.5% as Argobba.  Linguistically, 40% speak Oromiffa as first language, and 60% speak Amharic as first language.

3. Ask Questions:

  • It is commendable that the ARS has permitted local self-government in the minority areas (10% of ARS is non-Amhara) such as Awi, Wag-Himera, and Oromia (which is rather odd because Oromia is not an ethno-linguistic group, but an artificial territory created by the TPLF-OLF duo in 1991).

  • Aside from the politically explosive designation of the Zone as Oromia by the treacherous ADP/ANDM, it is not clear why such districts as Bati were even included at all!

  • That narrow Oromo ethno-nationalists are emboldened to make blatant territorial claims over this region (which has long become a center of Islamic extremism in ARS) points to the failure of the ADP to defend the interests of the residents of ARS.

4. Act Responsibly and with Courage:

  •  Donate in support of the victims of terrorism and ethnic cleansing,

  • Demand that the ADP resign wholesale for its catastrophic failure to protect citizens, and

  • More importantly, support ordinary citizens to mount an effective self-defense to deter destabilizing acts in the face of the utter failure of the ODP/OLF federal government to restore peace and security throughout the country—an elementary function of any government worthy of the name.

———————

April 1, 2019

የዜጎች ቃልኪዳን መማክርት አመርቂ “የሽግግር ፍኖተ፟-ካርታ” ለኢትዮጵያ ህዝብ ለውይይት አበረከተ፡፡ ባለፈው ሳምንት ይፋ የሆነው ሰነድ (በእንግሊዝኛ) ለሚቀጥሉት 3 አመታት የባላደራ መንግስትን የሚመራ፣ ዜጋ ተኮር አዲስ ህገመንግስትን የሚያረቅና፣ እንደ እርቅና የተዘረፉ የመንግስት ሃብቶችን ማስመለሻ ኮሚሽኖችን የሚያቋቁም የሽግግር ሸንጎ ከየወረዳው እንዲመረጥ የሚሉ ሁሉን-አቃፊ ሃሳቦችን ያካትታል፡፡

ሰነዱን ለማንበብ እዚህ ይርገጡ፡፡

————————-

March 2, 2019

ADWA: An African Victory

Proudly join the 123th Commemoration and Celebration of the historic Adwa Victory—the first time a non-white nation decisively defeated a European colonizer! The famous Wollo Cavalry from Yeju and Dessie Zuria so terrorized the Italian Army at Adwa that the Italian soldiers had to flee on the news of their coming!

Menelik beats Napoleon in greatness: “ The Adwa campaign spanned 5 months and 580 miles. It was rivaled among nineteenth century military campaigns only by Napoleon’s Russian campaign, which took 3 months and logged 490 miles from Vilnius to Moscow. Unlike Napoleon’s Russian campaign, the Adwa campaign ended in victory. This is greatness.” R. Jonas, The Battle of Adwa (Cambridge University Press, 2011).

——————

As we approach the anniversary of the takeover of power by the reformist wing of the EPRDF, we cannot help but be disappointed by the continued neglect of Wollo. Not to mention the ongoing ethnic cleansing of non-Oromos in Lege-Taffo right under the nose of the Prime Minister and apparently with the tacit approval of Ato Lemma. The power grab and land grab by extremists, especially around Addis Ababa, is an ominous development that will destroy any chance of transition to a democratic order.

May be, Wolloyes deserve the government they have gotten for the past 80 years! As they say, the squeaky wheel gets the grease and the people of Wollo have not been crying loud enough:

  • Except for those brave brothers and sisters struggling on behalf of Raya. The recent resignations of senior Rayan members of the agamido TPLF in protest of its heavy-handed response to the just demand of the Raya people.

  • The demand of the Rayans is basically a demand to govern themselves as they wish. Ultimately, it is not about being Amhara, Tigre, or Wolloye per se. It is about the people deciding freely who they are and how they wish to govern themselves.

The inept ADP administration has so far had a dismal record in ensuring the safety and security of northern Wollo and northern Gonder against TPLF destabilization (even to the point of failing to ask for help from Federal forces, until now). It is proving itself second-rate by its failure to ensure a fair Amhara representation in the various Federal offices and commissions. More importantly, ADP’s continued meekness in addressing the development needs, especially of Wollo and northern Shewa, is nothing but scandalous.

Various officials of the Amhara Regional State are now telling us, with a straight face, that:

  • They watched passively the TPLF-sponsored Qimant extremists train and arm themselves over the last three years. Who did ADP thought was their target?!

  • Sudan’s defense forces have now established a military base some 25 miles into the Ethiopian border near Metema. Where were they and the Ethiopian national defense forces? Isn’t this neglect treasonous?

  • Facing the impending invasion of the Amhara Regional State on at least two fronts—Raya and Wolqait, they are telling us that 80% of the stock of advanced weapons which belonged to the Ethiopian army (as well as the Air Force) have been confiscated by the TPLF! This, if true, calls into question not just the loyalty but also the ability of the armed forces to defend the country and to quell political violence in the support of the police forces.

    Under these circumstances, the least ADP can do to redeem itself is to call for mass mobilization and civil defense exercises to minimize the impending massacre by a vengeful TPLF.

    የቀን ጅቦች ቧልታ፦

    'የአህያ ባል ከጅብ አያስጥልም!’

The central lesson: If people do not engage in informed and responsible civic activism, they will always be taken for granted by the powers that be. One cannot do the same thing over and over, and expect a different result!! Wake up!!

=====================

ጀግናው የራያ ህዝብ እርዱን እያለ ነው፦

መቀሌ ላይ የመሸገው የትህነግ ወሮበላና ዘረኛ ሃይል የዜጋዊ ማንነቴ ይከበር ብሎ ለሰላማዊ ሰልፍ በወጣው የራያ ህዝብ ላይ ልዩ ፖሊሶቹን እንደገና አስገብቶ የገደላ፣የቁሰላና የአፈሳ እኩይ ተግባሮቹን እያጧጧፈ ይገኛል፡፡ ነጻ የትግራይ መንግስትን ለማቋቋም የሚቃዠው ነውጠኛ ቡድን በህገ-መንግስት መልክ ያሰፈረው የከፋፍለህ ግዛው ስልትና ከርካሪ ገመድ አንገቱ ላይ ሳያስበው እየተጠመጠመበት ይታያል። የሚያስገርመን የአገሪቱን ሰላም ማስጠበቅ በማይችል አስተዳደር ላይ መውድቋ ነው። ለምሳሌ ያህል የፌደራል ሰራዊት በሚያሳፍር ሁኔታ ጅጅጋ ላይ ተልኩሶ በማሸግሸግ ህዝቡን እንዳስመታው ከአለማጣም ሳይቆይ አልቻልኩም በማለት እግሬ አውጭኝ ብሏል፡፡ ህዝቡ ድረሱል እያለ ነው፡፡

ለማንኛውም በኢሳት እለታዊ ፕሮግራም ላይ (በ 10/22/2018) የተደረገውን ትምህርታዊ ትንተና የሚከተለውን ማስጠንፈሪያ ረግጠው ይስሙ፡፡

ESAT Eletawi on Raya Resistance: Oct ‘18

======================

October 14, 2018

አማራ ብሔራዊ ንቅናቄ [አብን] ብሔራዊ ምክር ቤት የተሰጠ መግለጫ (እዚች ይርግጡ)

ከላይ በተመለከቱት ወቅታዊ ጉዳዮች ላይ በመመርኮዝ የአብን ብሔራዊ ምክር ቤት የሚከተሉትን [ወሎን የሚመለከቱ] አቋሞች ይዟል:-

2) ያለሕዝብ ፍላጎት ከወሎ አማራ ግዛት ተቆርሶ ወደ ትግራይ ክልል በተጠቃለለው የራያ አማራ ግዛት የትግራይ ብሔራዊ ክልላዊ መንግስት የዜጎችን በአፍ መፍቻ ቋንቋቸው የመማር ፍላጎት እና መብት በመገደብ የሚያደርገውን ሕገወጥ ድርጊት እናወግዛለን፡፡ በኢትዮጵያም ሆነ አገሪቱ በተቀበለቻቸው ዓለማቀፍ ስምምነቶችና ሕግጋት ሕፃናት በአፍ መፍቻ ቋንቋቸው የመማር ሙሉ መብት እንዳላቸው በግልፅ ተደንግጎ የሚገኝ ነው፡፡ ይህ በሆነበት ሁኔታ የራያ አማራ ተማሪዎች ተገደው ያለፍላጎታቸው በትግርኛ ቋንቋ እንዲማሩ የትግራይ ክልል መንግስት የሚያደርገውን ያልተገባ ድርጊት በፍጥነት እንዲያቆም እንጠይቃለን፡፡ ፌዴራል መንግስቱም ጣልቃ በመግባት በራያ አማራዎች ላይ የሚደርሰውን በደልና ግፍ በፍጥነት እንዲያስቆም እንጠይቃለን፡፡

4) በላሊበላ ውቅር አብያተ ክርስቲያናት እና በጣና ኃይቅ ኃብቶቻችን ላይ እየደረሱ ያሉ ሰው ሰራሽ እና ተፈጥሯዊ ውድመቶች በእጅጉ ያሳስበናል፡፡ የፌዴራሉ መንግስትና የአማራ ብሔራዊ ክልላዊ መንግስት አስፈላጊውን ሁሉ እርምጃ በመውሰድ ኃብቶቻችንን እንዲታደጉ በጥብቅ እንጠይቃለን፡፡

======================

  • ለዘብተኛው/አዝጋሚው መንግስት ሲያንቀላፋ የፖለቲካ ሽፍቶች በማናለብኝነት ስልጣንና መሬት ለመቀራመት የዘር ጭፍጨፋ እያደረጉ ነው፡፡ ወደ ህዝብ-ለህዝብ ጦርነትም አገሪቷን እያመሯት ነው፡፡

  • አዲስ አበባን፣ ናዝሬትን፣ ድሬዳዋን የመሰሳሉት የመላ ኢትዮጵያዊ መዲናዎችን ካረመኔዎች ያልተከላከለ ለይስሙላ ሰንደቅ ከሚሽከም የኮረፌ ጋን ቢያዝል አያምርበትም??

አገሪቷ የገጠማትን የዘረኛ መሪ መተካካት አደጋ ለመረዳት ይህን አስተማሪ ትንተና ያንብቡ፡፡

Zecharias Zelalem, “The Privatization of Violence: Why Chaos is Making a Comeback in Abiy’s Ethiopia,” Addis Standard, September 21, 2018.

<< It is now becoming clear that this “privatization” of violence has opened the doors to anyone, with access to weapons, the freedom to kill. Talk of reconciliation and democratizing the state can bear fruit only if a degree of normalcy is maintained nationwide. If unchecked, Prime Minister Abiy Ahmed’s lackadaisical approach to domestic security will be his downfall… It’s high time “Team Lemma” put niceties to the side and put a foot down.  >>

READ FULL ARTICLE …

~~~~~~~~~~~~~~~~~~~~~

የራያ ሕዝብ መብታችን-ይከበር ጥያቄ:-

ወሎየ አማራ ነን፣ነፃ ኢትዮጵያዊያን ነን!!

*** የራያ ሕዝብ የጠየቀዉ ራስን-በራስ የማስተዳደር መብቱን፣ የተረሳውን እድገቱንና፣ በተለይም በጉልበት የተቀማዉን የታሪክ ማንነቱን ነዉ!! ***

ነሓሴ 23፣ 2010 ዓ.ም.

 (August 28, 2018)

Click here to read the full text.

~~~~~~~~~~~~~~~~~~~~

ራያ፣አለማጣ፣አዘቦ፣አበርገሌ፣ ኮረም፣ አሸንጌ

ሁሉም ወሎ ናቸው፡፡ በወያኔ የጠለፋ ግዛት የደረባቸውን ግፍና በቅርቡ የተቀጣጠለውን የአርነት ትግላቸውን ለመገንዘብ ይችን መንደርደሪያ ይመልከቱ፡፡  Blogs (ጦማር) ገጽ ሄዳችሁ ሙሉውን አንብቡ፡፡ (August 18, 2018)

~~~~~~~~~~~~~~~~~~~~~

አዲስ ጦማር ከአቶ አገሬ አዲስ፦ (June 28, 2018)

"ከጭፍን ድጋፍ ገንቢ ነቀፋና ትችት ይመረጣል!"

Blogs (ጦማር) ገጽ ሄዳችሁ ሙሉውን አንብቡ፡፡

~~~~~~~~~~~~~~~~

Ethiopian Government: Stop the escalating attacks on the Amhara, Amnesty international, June 8, 2018.

 

Editorial Note:

A.I. finally noticed the ongoing waves of ethnic cleansing of the Amhara (mostly Wolloye) from various regional states:  Beni Shangul-Gumuz, Wollega, and Illubabor.  What is most distressing is that the mass displacement of longtime residents and the confiscation of property in Qellem (Wollega) were organized in close cooperation with local OPDO officials to appease the Qeerro who we hear flipped the ill-gotten land for money.  This means, the youth protesters in some parts of the so-called Oromia Regional State are as much gripped by ethnic hatred and land grabbing as by freedom and solidarity with the Fano. Unless and until the Oromo, Somali, and Beni Shangul politicians learn to observe the rule of law and stop playing the ethnic card, there will be no united national movement for democracy.  The dislocation of 1.5 million Oromo and Somali, the Guji-Gedeo conflict (both of which were fond of dislocating the Amhara), the Sidama-Wolayta conflict in Awassa, the annexation of Amharaland (Raya, Wolqait-Tsegede-Humera, Metekel, etc.), the settlement of Tigreans and Nuers on the ancestral lands of the Afar, the Anuak, and the Amhara to change "the facts on the ground," and the renewed communal conflict in Dire-Dawa all teach the greedy victimizers the sobering lesson that ethnic cleansing is nothing but stupidly playing with fire--the cleansers will surely become the cleansed sooner than later.  A decent government will fully compensate the victims of the past 27 years of government-orchestrated violence and pillage, restore the rightful owners to their villages and neighborhoods, replace group rights by individual rights, and reject the idea of local referenda on the basis of rigged population settlements cynically organized by the TPLF/EPRDF regime.  Let's remove this political cancer before it consumes the entire body politic!!

Source of the story:

https://www.amnesty.org/en/latest/news/2018/06/ethiopia-government-must-protect-victims-of-escalating-ethnic-attacks/

 

~~~~~~~~~~~~~~~~~~~

የተሳካ ስብሰባ!

የካቲት ፳፭ ቀን ፪ ሽህ ፲ ዓም (March 4, 2018)

ከስድስት ወራት በፊት (ጁላይ 6 ቀን 2017) በሲያትል ከተማ በአምስት የኢትዮጵያ ክፍላተ-አገር ማኅበራት፣ ማለትም በጎንደር ኅብረት ለኢትዮጵያ አንድነት፣ በሸዋ ሁለገብ ማኅበር፣ በወሎ የኢትዮጵያ ውርስና ቅርስ ማኅበር፣ በጎጃም ዓለም አቀፍ ማኅበርና በሲዳሞ ማኅበረሰብ ተመሥርቶ አሁን ሌሎቹንም ክፍለ-አገሮች እያጠቃለለ የመጣው የኢትዮጵያ ክፍላተ-አገር ኅብረት የመጀመሪያውን ስብሰባ በዋሽንግተን ዲ.ሲ. የካቲት ፲፰ ቀን ፪ ሽህ ፲ ዓ/ም (25-02-2018) ብዙ ታዳሚ በተሣተፈበት መልኩ በተሳካ ሁኔታ አጠናቋል . . .

~~~~~~~~~~~~~~~~~~~~

Wollo Heritage Society: 

Press Release  on Woldiya Massacre

February 1, 2018

~~~~~~~~~~~~~~~~~~~~

ወሎ የኢትዮጵያ ውርስና ቅርስ ማህበር:-

"መግለጫና አስቸኳይ ጥሪ"

ጥር 23 ቀን 2010 (January 31, 2018)

የወሎ ጀግና ወጥር ገመዱን፣

ለነጻነትህ ጥረግ መንገዱን! . . . 

~~~~~~~~~~~~~~~~~~~~

ከኢትዮጵያ ክ/ሃ ሕብረት ስለወልድያ የአጋዚ ጭፍጨፋ የተሰጠ መግለጫ፦

January 20, 2018

«የሚፈሰው የኢትዮጵያውያን ደም ደማችን ነው!»

የወያኔ መራሹ ግፈኛ ስርዓት በየቀኑ የሚፈጽመው ወንጀል፣ግድያ፣ማቁሰል፣እስራትና ማሳደድ እየጨመረ እንጂ እየቀነሰ አልመጣም።በሥልጣን ላይ የተቀመጠው አምባገነን ሥርዓት ፈራርሶ የኢትዮጵያ ሉዓላዊነት፣ የህዝቧ ጽኑ አንድነትና የዜጎቿ እኩልነት የሚረጋገጥበት ህዝባዊ ሥርዓት እስኪመሰረት ድረስ ትግሉ ይቀጥላል . . . 

~~~~~~~~~~~~~~~~~~~~

ከ«ወሎ ውርስና ቅርስ» ስለወቅታዊ የወሎ ፖለቲካ ሁኔታ የተሰጠ ድርጅታዊ መግለጫ፦

December 13, 2017

በቃ፦ሕዝባችንን ልቀቅ!!

ህዳር 30 ቀን 2010 ዓ.ም.

በሰሞኑ በወልድያ ከተማ የትግራይ እግር ኳስ ቡድን ከወሎ ቡድን ጋር ሊያደርግ የነበረውን ጨዋታ ተከትሎ የተነሳው ብጥብጥ ለአያሌ ሰዎች ህይወት መጥፋትና መቁሰል ለብዙ ንብረት መውደምም ምክንያት ሆኗል።ይህ እስፖርትን ሽፋን አድርጎ በወያኔ ዘበኛ ፈጥኖ-ደራሽ ሃይል ታጅቦ ወደ ቦታው የተላከ የጥፋት ሃይል ገና ከወሎ ድንበር ላይ ሲደርስ ጀምሮ የሕዝቡን ስሜትና ሞራል የሚነካ ፍጹም ብልግናና ድፍረት የተሞላበት የዘር ጥላቻን ያዘለ ስድብና ህገ ወጥ የቁጣ-ቅስቀሳ ተግባር (provocation) እንጂ በእለቱ የተፈጸመ ድንገተኛ ክስተት አልነበረም . . .

~~~~~~~~~~~~~~~~~~~~

ከኢትዮጵያ ክ/ሃገሮች ማህበራት የተሰጠ የጋራ መግለጫ

November 4, 2017

በየትኛውም የኢትዮጵያ ግዛት ውስጥ መኖር መሠረታዊ የዜግነት መብት እንጂ በጎሰኛ ፓለቲከኞች የሚሰጥ ችሮታ አይደለም! . . . . . . . . 

~~~~~~~~~~~~~~~~~~

 

"What Studies in Spatial Development Show in Ethiopia," World Bank

አለም ባንክ፦ በኢትዮጵያ ወረዳዎች መካከል ያሉት የእድገት ልዩነቶች

September 24, 2017

{ካርታዎቹ የነሱ፣ ትንተናው የኛ} . . . 

 

 

 

Density of bottom 40% of income    ከደገኛው፣ይሻል ቆለኛው።

Density of bottom 40% of income

ከደገኛው፣ይሻል ቆለኛው።

 

===========================

The Unnoticed 2017-18 Ethiopian Famine is Well Underway

Let us join hands to make famine history!

September 5, 2017

Millions of people in the Horn of Africa are currently facing acute food and water shortages on the heels of a major food crisis in 2015-16.  Whatever the precipitating causes (drought, global warming, etc.), the underlying cause is the unwillingness of sitting governments to guarantee food security in slowly-developing famines become a clear and present danger...

*  *  *  *  *  *  *  *

August 30, 2017

የወያኔ መንግስት የሰሜን ጎንደር ዞንን ለመከፋፈልና የምዕራብ ጎንደርን መሬት ለመቀራመት ያወጣዉ እኩይ እቅድ አገር አጥፊ ነው! ...

*     *     *     *     *

August 9, 2017

ላለፉት ሃያ ሰባት ዓመታት ሕዝብን እርስ-በርሱ ለማጋጨትና ለማጫረስ በማሰብ በየወቅቱ የቀውስና የችግር አጀንዳ ከማውጣት ቦዝኖ የማያውቀው የጎሠኞች ስብስብ የሆነው ወያኔ መራሹ ቡድን በተለመደ መሠሪ ባኅሪው እነሆ አንድ ወር ባልሞላ ጊዜ ውስጥ ሁለት አገር የሚያናጉ የጥፋት መንገዶችን ቀይሶ ሕዝባችንን ወደ ትርምስ እየገፋው ይገኛል። ...

*     *     *     *     *

Seattle, July 6, 2017:

  • ስለ 'ወሎ ውርስና ቅርስ' የሰጠነውን ድርጅታዊ ማስተዋወቂያ . . .

~~~~~~~~~~~~~~~~~~~

መግለጫዎቻችንን ሙሉ በሙሉ ለማንበብ "events" ገጽ ሄደው ይመልከቱ።

~~~~~~~~~~~~~~~~~~~

 

 

Norman Rockwell painting of a modern Maresha, Dessie, Ethiopia (1970)

Norman Rockwell painting of a modern Maresha, Dessie, Ethiopia (1970)

“ፍቅር የማይገባው ምን ያረጋል ደሴ” ይሉሃል እንዲህ ነው፦

በጣሊያን ተቋቁሞ፣ በአረቦች ተወርሶ፣ በኤርትራ ተዎላጆች ተገዝቶና፣ በጦሳ ውሃ ተባርኮ ለዘመኑ የከተማዋ ነዋሪ ቅርስ የሆነው ተወዳጁ “ወሎ ዳቦ”ቤት!!

=============

 አንኳር ተልዕኳችን፦

የክፍላተ-ሓገራት አስተዳደራዊ መዋቅርን በዜጋ ተኮር እናታዊትና ዴሞክራሲያዊት ኢትዮጵያ ማቋቋም።

ጎጠኝነትን እንቃወማለን፣ የትውልድ አገርን ግን እንደ ውርሳችን እናከብራለን፡፡

**************************************

Thank you!

Over the past 30 days (mid-July to mid-August, 2019), some 600 hundred unique individuals visited our website. Half of you reside in North America, and almost half of you reside in South Africa and Ethiopia. Europe is a distant fourth. Surprisingly, the Greater Middle East is virtually absent despite the fact that it probably has the largest number of compatriots of Wollo descent. If our visitors wish to send us thoughtful and evidence-based essays or historical documents about Wollo, Amara, or Ethiopia, please feel free to do so. Thank you, again.

Ethiopia shall rise again and again!!

**************************************

Sheger FM interview on the illustrious historical heritage of Wollo.

<< ዘር-ተኮር ስርአት የድንጋይ ዳቦ ዘመን ፖለቲካ ነው፤

የጎሳ መታዎቂያ ካርድህን/ሽን ማቃጠል ወቅቱ ነው፡፡>>

Trending:     Ethiopiawinnet! Andnet!

=============

ፖለቲካ-ነክ የህልውና መልእክቶቻችን፦

  • የለውጥ ጭላንጭሉን እንደግፋለን፣ ታላቅ ስጋቶችና ምኞቶም አሉን፤

  • የወያኔን አግላይ ጭቆና በከንቱ ”የአንጋሽ ለውጥ” ስም በኦዴፓ/ኦነግ ጭቆናና ተገንጣይነት ለመተካት አልታገልንም፣በአቤቱታና ፋይዳቢስ ደጅ ጥናት አንቀበለውምም፤

  • የሕዝባችን አንድነት ባለቤተኝነትና የኢትዮጵያ ሉዓላዊነት በሽንገላ፣በሹም-ሽርና በዘውጌነት አይታደጉም፣

  • አረመኔያዊዩን ዘርተኮር ማፈናቀልህን አቁም፤

  • አማራ-ጠልና አማራ-ፍራቻ ፖለቲካህን አቁም፣ የአማራን የፖለቲካና የህሊና እስረኞችን ሳታዳላ በሙሉ ፍታ፤ በመፈንቅለ መንግስት የፖለቲካ ትርክትና የወያኔያዊ/ኦነጋዊ ብልጣብልጥነት ተቀናቃኞችህን የማሰር ሴራህን አክትማት፣

  • የወልቃይትንና የራያን አካባቢ የአማራ ማንነትንና የዜግነት መብታችን -ይከበር ጥያቄን ሰብአዊነትና ለፍትሃዊ ህግ ክብር ካለህ በቅንነት ተቀበል፣

  • የአግላይ ነውጠኞችን ነጭ ለባሽ አስወጥተህ የተፈናቀለው ህዝብ ተመልሶ የራሱን መስተዳደር እንዲያቋቁም አመቻች፤

  • ከኢትዮጵያ ሕዝብ ጫንቃ ላይ የከፋፍለህ-ግዛውና የምዝበራ ማነቆህን ያካተተውን የደማሚት ህገ-መንግስትህን ቀደህ በቅቡላዊ ሰነድ ተካው፣

  • ፍርሃትንና የቅጥር-አበጋዞችን ጭፍጨፋ ወጣቶቻችን አሸንፈዋቸዋል፣

  • የበሰለ ዜጋ ራሱን ለቋሚ ለውጥ ማዘጋጀትን ዘንግቶ ለጊዜያዊ አምባገነኖችና ያንደበት ደላዮች አድኑን እያለ አያጎበድድም፤ ራሱን በኩራት ያድናል እንጅ!

  • ኢሓዴግ  ፀረ-ኢትዮጵያና ፀረ-ሕዝብ የሆነ ካንሰራዊ ደዌ ነው፣ በጥልቅ ተሃድሶ እንኳ ፍፁም አይድንም!

  • ለ፴ አመታት አካባቢ ላስፈንከው የአረመኔ ስቆቃ ዘመን እግሩ ላይ ወድቀህ ህዝቡን ይቅርታ ጠይቅ!

  • የምንፈልገው ሃቀኛ "መሪ" እንጅ "ተደማሪ" የግል ተጠቃሚ ጀሌንና የእልፍኝ አስከልካይን አይደለም!!

  • አዲስ አበባ፣ናዝሬት፣ ሃረር፣አዋሳ፣ጅማ፣ አሰላ፣ ባህርዳር፣ ደሴ፣ መቀሌ፣ ጎንደር፣ሱሉልታ ወዘተ የሁሉም ኢትዮጵያዊ ውርስና ቅርስ ናቸው፡፡

    =========================

    ነብር አይነክስም፤ ማለት ካልደረሱበት …

==============================

ኢትዮጵያ ወዴት? እንዴት?

  • በእርቀ-ሰላም ሂደትም ተዳኝተህ አፋኝና ዘር ተኮር ስልጣንህን ለሕዝብ ተቀባይነት ላለው አገልጋይ ልቀቅ!

  • ስር-ነቀል ለውጥ የሚያመጣ ሁሉን አሳታፊ ወደ ዴሞክራሲያዊ ሽግግር መንግስት ሂደት ይጀመር፣

  • የጥንቱ የክፍላተ-ሃገር መስተዳደርሮች በዘር-አልባነትና በሕዝብ ይሁንታነት ይዋቀሩ!!

  • ከዚህ በኋላ ብቻ ነው ፍትሓዊና አስተማማኝ ውጤት ያላቸው የአካባቢና የፓርላማ  ምርጫዎች ሊፈጸሙ የሚችሉት።

********

በወሎ ህዝብ ላይ ወያኔ ያደረሰውን ታሪካዊ በደል ዝርዝር ለማወቅ እዚህ ይርገጡ፦

*********

Yosef Eshetu.1.20.2018.jpg
WOLLO PROVINCE BEFORE AND AFTER 1991

WOLLO PROVINCE BEFORE AND AFTER 1991

  • የሜኤሶን ደደብ ደቀመዝሙር የነበረው ደርግ በአብዮት ስም ኢትዮጵያን ለዘረኛና ሙሰኛ ጅቦች አጋለጣት፤

  • የደርግ ደደብ ደቀመዝሙር የነበረው ተህነግ በህዝባዊ ጎጠኝነት ስም ኢትዮጵያን እንደምስጥ ቦርቦራት፣ ዘረፋት፣ አዘረፋት፤

  • አሁን ደግሞ ኦነጋዊያን የተቦረቦርው ምሰሶ የሚወድቅ መስሎአቸው በየዘርፉ ይፈታተኑታል፤

  • ታዲያ የኢትዮጵያ ባላደራ ትውልድ ፍርሃቱን ለመሽፈን በግብዝነት ስልጡን መስሎ አንገቱን ሊደፋ ነው፣ እንደለመደው ወደ ስማይ ሊያንጋጥጥ ነው፣ ወይንስ ህልውናውን እንዳባቶቹእንደናቶቹ ሊታደግ ነው?!!!

  • አዎ! አላህን ሰፈራ አልወሰዱትም፣ ሊወስዱትም አይችሉም፤

  • እግዚአብሄርም ራሳቸውን ለመርዳት ከሚለግሙት የከንቱ ልመናን አይቀበልም!!

*********

<<ሊዲያ ዘውዱ >> በወሎ ወጣቶች እምቢተኝነት ላይና በግንቦት 7 አሳፋሪ መግለጫ ለሰጠችው አስተማሪ አስተያየት እዚህ ይርገጡ፦ 

**********

ወሎ ገራገሩ!

"ወሎየነት መለያችን፣ ኢትዮጵያዊነት ማንነታችን"

ETHIOPIAN PROVINCES, 1952-1992

ETHIOPIAN PROVINCES, 1952-1992

የወሎ ክፍለ-ሃገር ተወላጆች የሆን ኢትዮጵያውያን እነሆ ታላቅ የታሪክ ዝናን ያተረፈውን ውርሳችንንና ቅርሳችንን ለማዳበርና ለማክበር፣እንዲሁም የወሎን ሕዝብ ህልውና፣ ነጻነትና እድገት ለመደገፍ እንዲረዳ በማሰብ ይህን የሲቪክ ድርጅት አቋቁመናል። እንደውነቱ ከሆነ ወሎ ሁሉም ኢትዮጵያዊ የሚኮራባቸው እሴቶች አሏት--የስነ-ሕዝቧ ስፋት፣የጀግኖቿ እምቢተኛነትና፣ጠንካራ የኢትዮጵያ ብሄርተኝነቷን መጥቀስ ብቻ ይበቃል   ** መተዳደሪያ ደንባችንን ለማንበብ እዚህ ይርገጡ **

==========

We, Ethiopians hailing from the historic region of Wollo, hereby establish a civic organization to celebrate as well as to promote our illustrious cultural heritage, and to support the common cause of freedom and development for the people of the region. Our motto, “Wolloyenet is our marker; Ethiopiawinet is our identity” embraces all Ethiopians who cherish our shared history and our aspirations for a democratic Ethiopia. In so doing, we affirm our pride in Wollo and its enviable legacies. Wollo is a model for Ethiopia for its vibrant diversity, for its tradition of defiant resistance against tyranny, and for its unflinching political identification with a united and democratic Ethiopia.           

 ** Download Our Bylaws **

 

 

=================================

"ወሎ"

[ከአገሬ አዲስ]

ከቶ አይሰለችም ስሙ ቢደጋገም፣

ወሎ ያገር ዋልታ፣ወሎ ያገር ቅመም፡፡

--› ሙሉውን ለማንበብ "FORUM" ገጽ ይህዱ።

 

የወሎ ተስፋ    * ኪነቶቻችን፥ ውርስና ቅርስሶቻችን *

የወሎ ተስፋ

* ኪነቶቻችን፥ ውርስና ቅርስሶቻችን *

February 2018:

The centenary of the death of Ethiopia's premier heroine:

Etege Taitu Bitul.

 

እንደምን ናት ወሎ የቴጌዎች አገር፥

የወንዱ ሲገርመን ሴቱም አይበገር፡፡

 

Ethiopia Hagere 

Ethiopian Music
Korem (1984): A mother's love defeats death.     Food security is a right, not a privilege.     10 ሚሊዮን የቀን ረሃብተኛና 55 ሚሊዮን መሃይም ዜጎችን ያካተተች አገር ታሳፍረናለች እንጅ አታኮራንም፤    ድህነትን ባገራችን የታሪክ አተላ ለማድረግ ድርሻችንን እንወጣ!!

Korem (1984): A mother's love defeats death.

Food security is a right, not a privilege.

10 ሚሊዮን የቀን ረሃብተኛና 55 ሚሊዮን መሃይም ዜጎችን ያካተተች አገር ታሳፍረናለች እንጅ አታኮራንም፤

ድህነትን ባገራችን የታሪክ አተላ ለማድረግ ድርሻችንን እንወጣ!!

ራያ ራዩማ፦ ወሎ ስትመለስ ሁሉም ቦታ ይልማ!!

ራያ ራዩማ፦ ወሎ ስትመለስ ሁሉም ቦታ ይልማ!!

*************************************

ከሼህ ሁሴን ጅብሪል ትንቢታዊ ግጥሞች

(1811-1908 ዓም፥ዘብሔረ-ወረሂመኖ፤ ወሎ)

*     *     *     *     *

የከተማ ወንፊት በርበሬ እየነፋ፥
ንፋስ የመጣ እንደሁ ነፊው ዓይኑ ጠፋ፤
ዓይኑን እስከሚያሸው ነፊ አጥቶ ተደፋ፥
ንፋስ እያየ ነው በርበሬ የሚነፋ፥
ፍሬው ካልወደቀ ገለባ አይነፋ::

*      *      *       *

ምን መላ ይገኛል ጦር ቢያከማቹት፣

አልገዛም ካለ ከወንድም ከሴት፤

ሸዋ ካልመከረ ይሆናል ወንፊት፣

እባብ መርዙን ከተፋ ይመጣል ፍጅት፣

ይህን እየሰማህ እንዳትገባ እሳት::

***************************************